Abdul Karim: Chalun, parti tau bekimpin ngena media sosial
Media sosial tau nyadi ke platform dikena bekimpin maya fasa pandemik
KUCHING: Tagang ngatur sebarang aktiviti, begempuru tauka pengerami sosial bekaul pengawa bepilih enda nagang chalun bekimpin ngelakuka diri dalam era digital diatu.
Mandal Presiden Parti Pesaka Bumiputera Bersatu (PBB) Dato Sri Abdul Karim Rahman Hamzah madah, dalam era digital chalun enggau parti ke deka bediri minta pilih, tau ngena media sosial nyadi platform dikena bekimpin maya fasa pandemik.
Abdul Karim ke nyadi Menteri Dagang Temuai, Seni enggau Main Asal ke mega Menteri Nembiak, Lumba enggau Main, madahka tagang nya ukai reti demokrasi ti dikemeran disekat.
“Kitai meda nama utai ke nyadi pengudah Pengawa Bepilih Nengeri (PRN) Sabah (penambah ngenyit kes COVID-19).
“Laban Sarawak patut ngatur pengawa bepilih enda lama agi, ngarapka Opis Pengawa Bepilih (SPR) ngiga jalai enggau chara kena nentuka ‘penyilap’ ti nyadi maya
“Laban Sarawak patut ngatur pengawa bepilih enda lama agi, ngarapka Opis Pengawa Bepilih (SPR) ngiga jalai enggau chara kena nentuka ‘penyilap’ ti nyadi maya PRN ke-16 Sabah taun nyin tadi ” enda nyadi baru. Dato Sri Abdul Karim Rahman Hamzah Mandal Presiden Parti Pesaka Bumiputera Bersatu (PBB)
PRN ke-16 Sabah taun nyin tadi enda nyadi baru,” ku iya lebuh dirandau kemari.
Kaban Kunsil Nengeri Asajaya nya madah munyi nya lebuh ke ditanya penemu bekaul enggau prosedur operasyen standard (SOP) maya PRN Melaka ti deka diatur kena 20 November ti bisi netapka nadai aktiviti, gempuru tauka pengerami sosial bekaul pengawa bepilih berengkah ari 25 Oktober nyentuk 27 November 2021.
Bernama kena Hari Minggu nyin tadi madahka Menteri Pengerai, Khairy Jamaluddin nengah penerang berita iya madah, sebarang aktiviti, gempuru tauka pengerami sosial bekaul pengawa bepilih enda dikemendarka berengkah ari kemari (25 Oktober) nyentuk 27 November 2021, kena ngurangka risiko pengelekai rampit enggau penambah kes ngenyit COVID-19.
Ku Khairy, tagang nya nyengkaum ngatur pengeami ngelacharka raban pengawa bepilih.
Ku iya, nithka pengawa matau ti dipejalaika Opis Menteri Pengerai Malaysia (KKM) antara pekara ti ngasuh kes enggau kluster COVID-19 nambah dalam menua endang bekaul enggau aktiviti begempuru tauka pengerami sosial ti enda nitihka SOP.
“Beratika risiko pengelekai rampit COVID-19 agi tinggi keleb ih agi enggau pengelekai varian Delta dalam komuniti enggau penambah penyampau kes COVID-19 baru ti diripotka, aktiviti nya deka nambahka agi risiko pengelekai rampit COVID-19 dalam komuniti,” ku iya.
Hari satu tu tadi, SPR netapka hari bulan ngantung nama chalun ungkup PRN Melaka iya nya kena 8 November, lalu hari bulan muai undi iya nya kena 20 November 2021.