Opis menteri, ejensi, GLC patut dikemanah, dikemaruka agi
Kpg Bunga Raya Banting Tengah (25); Rh. Bruen Ak Juben, Kpg. Dampa Padang Banting (25); Rh. Somil Ak Babat, Kpg. Nansang Ulu Banting (22); Rh. Tan Chin Ak Bara, Kpg. Nansang Ili Banting (47); Rh. Gerunsin Ak Renggan, Kpg Banting Ili (29); Rh. Kendang Ak Nari, Kpg. Teluk Mulong Banting (5) enggau Rh. Baya Ak Bajau, Banting bisi 20 ruang bilik.
Opis Menteri, ejensi enggau Syarikat Berkaul enggau Perintah (GLC) di negeri tu patut dipeda baru, dikemanah enggau dikemaruka baru.
Dato Sri Tiong King Sing (GPS – Dudong) madahka, pekara nya patut diperambu kena ngemuntangka polisi, meransang chara ti ‘mesraperniagaan’ enggau dipejalaika enggau lebih efisyen.
Iya madahka pekara ditetapka dalam konstitusyen negeri diatu netapka iya nya sekeda ejensi perintah tauka GLC chairman iya mesti dipegai menteri, sapit menteri tauka ketuai sekretari opis menteri nyengkaum Ahli Lembga Pengarah.
“Aku deka meri perambu ngagai perintah GPS lebih agi YAB Premier kitai ngambika meda baru, ngemanahka enggau ngemaruka opis menteri, ejensi enggau GLC kena ngemuntangka polisi, meransang chara ti ‘mesra-perniagaan’ enggau nyadika pengawa ngatur lebih efisyen ba endur bejalaika pengawa.
“Aku deka meri perambu ngambika YAB Premier Sarawak nyerungkai tauka engka ngemendarka pengari rayat ke nadai megai penuduk menteri ngambi bagi nyadi chairman, nyengkaum sida ke dalam raban elit sosial enggau sida ti professional dalam bidang diri empu, ngambi bagi nyadi ahli Lembaga,” ku iya.
Tiong mansutka penemu iya tu lebuh bejuraika ‘Usul Penghargaan Atas Ucapan Tuan Yang Terutama Yang di-Pertua Negeri Sarawak’ ba Hari Keempat Aum Kedua Penggal Keterubah Kunsil Negeri Sarawak Ke-19 ti diatur ba Kompleks DUN Sarawak ditu, kemari.
Bejaku baru iya madahka, tambah mega orang keg awa ba opis perintah dalam sistem tu udah tentu bepanggai ngagai raban ti bekuasa
“Ke penerang Kaban Yang Berhormat Bukit Begunan, dianggar sepenyampau 268 ruang bilik deka ngasaika penguntung ari projek Sarawak ” (Banting, Lingga). Datuk Dr Abdul Rahman Junaidi Sapit Menteri Utiliti enggau Telekomunikasyen II (Utiliti)
tauka takut bejaku, kelimpah ari engka kena bungkur birokrasi enggau baum pengudah baum.
Ku iya pengari rayat ulih nyadi jematan semua orang dalam sektor peribit enggau perintah ti mai penemu enggau perambu orang mayuh ba timpuh ti betul.
Di luar, ku iya, sida ulih ngena status sida ngulihka sumber enggau kerejasama ari sida ti bekaul, kena meransang pemansang, ngemaru enggau ngerembus penanggul ke udah bisi dalam sistem ti nagang nyingkang enggau efisyen.
“Kitai mesti meransang ngemayuhka penyereta dalam sistem opis, ejensi perintah, menteri, sapit menteri enggau sekretari besai patut lebih mekuh tauka focus ngagai perambu, pemansang, efisyen, ngurangka birokrasi, ngemuntangka polisi enggau chara dikena nyingkang ke mua sereta dalam timpuh ti sama bekerejasama enggau pengari rayat bukai ba pengawa mansik enggau ngemanahka agi isu dalaman, madamka polisi ke enda dikena sereta nagang mayuh bengkah program pengelantang pendiau.
“Enggau kuasa ke diberi, kitai ulih ngarapka pengari rayat gawa enggau nadai utai nanggul. Dalam keadaan tertentu, lebuh pengari rayat dipilih ngulu aum, opis menteri, ejensi tauka GLC, baru sida ulih meretika isu kebendar organisasyen ti bekaul enggau ngeripotka baru ngagai opis menteri pasal ejensi nya enggau lebih silik,” ku iya.
Nambah nya iya bepenemu ejensi tauka opis perintah mesti dirumbak enggau didesentralisasikan kena nyeliahka lebih mayuh birokrasi kena nyeliah pengelubah. Kitai patut ngemuntangka sistem kitai awakka lebih ngemeratka orang mayuh.
“Ambika chunto, struktur JKR enggau SESCO ke bisi udah kelalu berpusat, ngujungka penyaru enggau penanggul ngagai orang mayuh iya nya enda nemu sapa ke patut ditapat alai madahka penanggul enggau pengirau,” ku iya.
“Fungsi servis mensia mayuh tu patut didesentralisasi kena ngenegapka opis wilayah ngambika lebih berasai ngembuan tangkup pengawa maya mutarka isu enggau bejalaika projek.
“Tu ulih nentuka penanggul rayat enggau sebana mensia mayuh ulih diputarka enggau lengkas sereta ukai ngelawa opis wilayah,” ku iya.