Nentuka semua pemansang, bantu ulih diberi terus ngagai rayat
KUCHING: Tetiap ketuai komuniti enggau ketuai bansa (KMKK) patut megai tanggungpengawa sida nyadi penyambung entara rayat enggau perintah.
Sapit Menteri Pemansang Desa enggau Kandang Menua Datuk Rubiah Wang madah, tu dikena nentuka semua langkar pemansang sereta bantu ulih diberi terus ngagai rayat.
“KMKK iya nya ‘jematan’ entara raban administrasyen enggau renggat baruh, nya alai sida patut ngayanka ulah ti sirusereta kiruhka penanggul ke ditapi peranak genturung pendiau ngambika ulih diputarka,” ku iya madah ti diambi ari
Unit Komunikasyen Perintah Sarawak (UKAS).
Iya madah munyi tu lebuh ti datai maya Program Begulai enggau Ketuai Renggat Baruh Parlimen Kota Samarahan di Kota Samarahan kena Hari Satu nyin tadi.
Ku Rubiah madah, KMKK ti dichiri mega patut megai tanggungpengawa, lurus enggau pechaya
KMKK iya nya ‘jematan’ entara raban administrasyen enggau renggat baruh, nya alai sida patut ngayanka ulah ti sirusereta kiruhka penanggul ke ditapi peranak genturung pendiau ngambika ulih diputarka.
Datuk Rubiah Wang Sapit Menteri Pemansang Desa enggau Kandang Menua
ke diberi rayat enggau memanah.
“Nyadi ketuai di renggat komuniti sereta megai pangku pengawa nyadi malin rayat kelebih agi dalam ngerembaika penerang ti betul bekaul bantu enggau polisi perintah, sida patut ngembuan ulah ti bisi tanggungpengawa, lurus enggau ulih dipechaya rayat,” ku iya.
Beserimbai enggau tu, iya ngarapka enggau pengawa begulai tu nama ti benung nyadi sereta isu ti bisi ayan ba tetiap kandang menua ulih dikemeratka KMKK lalu ditangkanka enggau pelin bejalaika pengawa dalam mutarka enggau lengkas sereta timpuh panjai.