MIPD mujur ngurangka projek tejanggal
Ari 96 ngagai semina dua projek tejanggal kritikal naka 2024
KUCHING: Opis Menteri Infrastruktur enggau Pemansang Penyangkai Kapal (MIPD) udah mujur ngurangka penyampau projek tejanggal kritikal di Sarawak ari 96 ngagai dua ba pun taun tu, ku Menteri iya, Datuk Amar Douglas Uggah Embas.
Dalam timpuh dua taun, kami mujur ngurangka penyampau ari 96 ngagai semina dua projek tejanggal kritikal naka 2024. Meri puji ngagai JKR (Opis Kereja Raya) enggau semua kontrektor.
Sapit Premier Sarawak nya madahka 96 projek tejanggal ti kritikal nya udah dikelala bagi maya iya berengkah mangku pengawa nyadi menteri nya ba taun 2022.
“Aku nemu kitai patut ngereja pengawa ngambika ulih ngurangka penyampau nya, kena nentuka semua kereja infrastruktur tembu nitih ke timpuh, nguntungka rayat enggau ekonomi kitai.
“Dalam timpuh dua taun, kami mujur ngurangka penyampau ari 96 ngagai semina dua projek tejanggal kritikal naka 2024. Meri puji ngagai JKR (Opis Kereja Raya) enggau semua kontrektor,” ku iya nyebut pekara nya nyerumba ‘Malam Gala Penyelenggaraan Jalan Negeri’ ti keterubah ia diatur di JKR Sarawak ditu, malam ensanus.
Kena nentuka chara bejalaika projek ti efisyen, Uggah madahka, bejalaika
Datuk Amar Douglas Uggah Embas
‘Peraturan Satu Bulan’, ti deka ke kontrektor ngepunka kereja dalam timpuh sebulan pengudah projek nya diterima sida (kontrektor).
“Enti enda ulih nitihka atur nya, kami deka bejalaika atur ke patut, nyengkaum ngetuka kontrak, kena nyapai taga nadai projek tejanggal,”
ku iya.
Iya mega bebendar madahka opis menteri iya udah numbuhka sebengkah komiti ti ngatur pemujur mayuh bengkah projek, nyengkaum ti balat tejanggal, bechairmanka sapit menteri MIPD Datuk Aidel Lariwoo, dikena nentuka semua isu enggau
pemar dalam sistem ulih dikeibuh tauka diperatika.
“Enti pemayuh penguna jalai raya majak nambah, pia mega pelaba sida. Nya alai, amat beguna ba kami mutarka pemar tauka penanggul ti ditapi semua penguna jalai raya laban kami iya nya penyaga pejalai tiap hari, fasilitator dagang enggau opis ti bejalaika pengawa ungkup servis ngenyit
“Kami bepanggai ngagai asil kita ti ngaduka (jalai raya) kena nyukung ekonomi kitai, pengelikun kitai enggau kualiti idup kitai.
“Perintah enda diau diri pasal ulah tauka budaya ngadu ti lemi sereta semua penyedia servis patut meri servis nitihka timpuh ditetap enggau meri empas ngena komitmen enggau integriti kereta ti tinggi,” ku iya.