MBKS model penyulut opis kaunsil kandang menua di Sarawak: Dr Sim
Opis kaunsil tu udah megai tanggungpengawa ti berat dalam agenda pemansang Sarawak
KUCHING: Majlis Bandaraya Kuching Selatan (MBKS) dipuji nyadi model enggau kelai penyulut ungkup opis kaunsil kandang menua di Sarawak ari Sapit Premier Datuk Amar Dr. Sim Kui Hian.
Menteri Pengerai Mensia Mayuh, Pengawa Berumah enggau Kaunsil Kandang Menuatumadah,MBKSudahmegai tanggungpengawatiberatdalam agenda pemansang Sarawak.
“Penataiakumayapengerami makai lemai ninting taun kita tu, ngayanka aku endang chukup meri basa ngagai tikas penyulut MBKS.
“Aku ulih datai pengerami makai lemai ninting taun opis kaunsil kandang menua ke bukai baka Majlis Bandaraya Miri (ambika chunto), tang aku milih deka datai ngagai pengerami ti diatur MBKS lemai tu (kilah ensana).
“Aku enda ulih ngenataika diri ngagai semua pengerami makai lemai diatur semua opis kaunsil di selampur nengeri, laban bisi 26 opis kaunsil kandang menua semua nya, nya alai aku milih ke chukup matak pengerindu aku,” ku iya.
Iya madah munyi tu lebuh bejaku maya pengerami
Makai Lemai Ninting Taun MBKS ditu, kena malam Hari Minggu nyin tadi.
Ku Dr Sim nambah, nyadi Sapit Premier iya pechaya MBKS ba penuduk ti manah dalam nyadi ketuai nengah teladan enggau sebarang pengereja pengawa ti mindah ke opis kaunsilkandangmenuakebukai patut ngangkatka opis kaunsil nya enggau pengelandik sida.
“Sekalika kita ba administrasyen, kebun, kaunseling tauka sebarang unit bukai, pegai juluk nyadi teladan ti pemadu manah.
“Aku deka pengereja pengawa MBKS nyadi chunto ngagai ejensi perintah menua tu ke bukai dalam nengeri,” ku iya.
Datuk Bandar Kuching Selatan Dato Wee Hong Seng mega madahka pengawa ngenukuka Kuching nyadi mengeri gastronomi UNESCO ngayanka pemutar ti kreatif MBKS ungkup mayuh macham pemar.
“Tikas penyulut tu ukai nya udah datai ba punjung tang nyadika batu penungkat ngagai tikas pemanah gawa ti nyulut agi, nya alai aku ngarapka MBKS deka seruran ngemanahka diri,” ku iya.
Mayapengeramimakailemai ninting taun tu diatur nyadika forum dalam ngintu pemujur ti udah digaga ketuai sereta pengereja pengawa MBKS lalu ngenegapka pengawa sida dalam ngangkatka pemansang sereta pengelantang Kuching.
Sama bisi iya nya Sapit Menteri Pengerai Mensia Mayuh, Pengawa Berumah enggau Kaunsil Kandang Menua Datuk Dr Penguang Manggil, Sapit Datuk Bandar Kuching Selatan Datuk Dr Zaiedi Suhaili, Datuk Bandar Kuching Utara Hilmy Othman enggau Chairman Majlis Perbandaran Padawan (MPP) Tan Kai.
Penatai aku maya pengerami makai lemai ninting taun kita tu, ngayanka aku endang chukup meri basa ngagai tikas penyulut MBKS.