Perintah Sarawak terus bebendar ngenegapka industri ‘downstream’
Ti bisi potensial besai dalam pemansang ekonomi gadung Sarawak
KUCHING: Perintah Sarawak terus ngenegapka industri ti nangkanka nya tauka ‘downstream’ nyengkaum biojisim, kereban dalam rumah tauka perabot, buluh enggau produk ‘engineered wood’
Sarawak udah nyual tauka eksport pelet kayu ke Jipun, Peranchis enggau Korea, sereta rega eksport sepenyampau RM36 juta.
di negeri tu.
Sapit Premier Sarawak, Datuk Amar Awang Tengah Ali Hasan madahka, produk biojisim bisi potensial besai dalam pemansang ekonomi gadung Sarawak.
“Produk biojisim baka pelet kayu, biochar (arang biologi) enggau arang briket bisi peminta tinggi ba dagang dunya laban nya manahka rampa menua.
“Sarawak udah nyual tauka eksport pelet kayu ke Jipun,
Peranchis enggau Korea, sereta rega eksport sepenyampau RM36 juta,” ku iya.
Iya madahka pekara nya nengah teks iya ba nyerumba pengerami nyain Sempekat Pemereti Ati (MoU) entara Perbadanan Kemajuan Perusahaan Kayu Sarawak (PUSAKA) enggau Persatuan Pekilang Panel Malaysia (MPMA) ditu, malam ensanus.
Teks jaku iya dibacha Sapit Menteri Pemansang Mengeri enggau Rampa Menua, Datu Len Talif Salleh.
Bekaul enggau pekara nya,
ku Awang Tengah, PUSAKA udah nyendiaka keretas perambu ‘Pelan Tindakan Produk Kayu Kejuruteraan’ ti deka dibantaika maya baum Ahli Lembaga Pengarah PUSAKA kemari (Hari Dua) ngambika ulih dikemendar.
“Dokumen beguna tu nyendiaka garis lalau enggau langgur jemah ila ungkup industri kayu ramu di Sarawak nyengkaum industri ‘engineered wood’ ,” ku iya.
Kelimpah ari nya, ku iya, siti agi inisiatif dipejalaika PUSAKA, iya nya ngemansangka industri buluh di Sarawak.
Ba taun 2022, iya madahka, rega eksport dunya produk buluh iya nya USD66.2 bilion sereta dianggar nambah sepenyampau empat peratus tiap taun.
“Di Malaysia, rega eksport produk buluh ba taun 2022 iya nya RM8.4 juta, lalu di Sarawak rega makit iya nya RM1.2 juta,” ku iya.
Bepelasarka potensial nya, iya arap bendar industri biojisim, produk ‘engineered wood’ enggau buluk ulih ngubah landskap enggau meri ‘value added’ ngagai industri kayu ramu di Sarawak enti semua dikena manah.