Klinik Pengerai Jalai Merbau udah nerima pemeri injin ultrabunyi
Klinik Pengerai (KK) Jalai Merbau nerima siti injin ultrabunyi pemeri ari The Malaysian Church of Jesus Christ of Latter-Day Saints enggau Rotary Club of Miri Oil Town.
Sapit Menteri Dagang Temuai, Industri Kreatif enggau Seni Pemerindang, Datuk Sebastian Ting madahka pemerin nya endang ulih mantu KK Jalai Merbau dalam nyendiaka servis pengerai ti lebih manah.
“Baka dipadah iya nya KK Jalai Merbau udah nganti mesin tu kenyau ari taun 2019, sereta kitai beterima kasih ngagai sida ke udah meri merin ultrabunyi tu,” ku iya ba pengerami nyuaka mersin ultrabunyi ngagai KK Jalai Merbau, kemari.
Sebastian ti mega Kaban Kunsil Nengeri Piasau madahka mesin ultrabunyi nya meri pemanah iya nya mantu ngenyampatka ngubat pesakit.
Kelimpah ari nya, Presiden Kelab Rotary Bandar Minyak Miri Choong Bor Luen beterima kasih ngagai mensia mayuh ti udah nyukung
ari segi duit dikena bejalaika inisiatif nya.
“Sepenyampau RM97,000 mujur digumpuk kena ngmujurka mayuh bengkah aktiviti komuniti nyengkaum bekaul enggau mesin ultrabunyi,” ku iya.
Rotary Club of Miri Oil Town selaras enggu misyen “Kitai NyagaMiri’, udah dipelanja The Malaysian Church of Jesus Christ of
Latter-Day Saints, diarika Elder Sandy Hall.
“Kitai bejalaika inisiatif kena meri mesin ultrabunti baru ti deka nguntung mayuh pesakit ti berubat ba KK Jalai Merbau ti dipegai Opis Menteri Pengerai,” terang iya.
Nambah nya, Kelab nya ngatur mayuh inisiatif baka program ‘outreach’ ngagai sekeda rumah panjai di
Mulu, insiatif farmasl ‘pandu lalu’ ba Sepital Miri enggau KK Tudan, kabin kin-kitu kena meresa COVID-19 sereta ngemanahka endur diau staf perubat ti enda dipegulai enggau orang bukai di Sepital Miri.
Sama bisi datai Pemesai KK Jalai Merbau Dr Norafini Salamon sereta kaban Rotary Club of Miri Oil Town.