Sarawak deka ngerapitka kaul entara menua, numbuhka kampus pampang universiti China

KUCHING: Sarawak merambuka baru pengawa mansik kampus pampang universiti ari China ditumbuhka di nengeri tu dalam pengeran deka ngenegapka agi kaul diplomatik entara Malaysia (Sarawak) enggau menua nya.

Sapit Premier Sarawak, Datuk Amar Dr. Sim Kui Hian madahka, perambu numbuhka kampus pampang universiti Shanghai ari China kala diperambu maya Tan Sri Peter Chin nyadi Presiden Parti Rakyat Bersatu (SUPP) maya nya suba sereta dikemendarka Menteri Pelajar, Tan Sri Muhyiddin Yassin maya nya.

“Tang maya nya suba perintah ari China enda ngemendarka enda ngira bagi universiti sida di lyar menua enggau semina sebuah universiti keterubah ari menua nya bisi pampang di Malaysia iya nya Universiti Xiamen.

“Enti deka nempa agi kaul diplomatik entara dua menua enggau lebih tegut, kelebih agi di Sarawak kitai patut bisi mayuh kampus pampang universiti luar di nengeri tu baka kerejasama kitai enggau Australia.

“Kitai ngarapka’joint-venture’ kaul dua menua tu ulih dipajakka kelimpah ari Malaysia tang mega ari pemesai China, iya ya kitai deka kampus pampang universiti ari China mega ditumbuhka di Sarawak.

Iya madahka pekara nya lebuh dirandau raban pengarang berita pengudah bejadi Kuplet nyerumba Genap 50 taun Kaul Diplomatik Malaysia enggau China, ti mega bisi digulu Konsul Jeneral China di Kuching, Xing Wei Ping di Taman Sahabat ditu, kemari.

Dr. Sim madahka, nyema penumbuh nya ulih dikeamatka, nya engka mekuh ngagai bidang teknologi pintar tauka bekaul enggau pemansang ti diguna Sarawak.

“Pengering pemansang China diatu iya nya semua teknologi, mengeri pintar enggau semua bekaul enggau pemansang. Sida nyingkang ari sebuha menua pengeluar sereta nunda pengeluaran pembuatan menua ti ngaga teknologi, Ai enggau ke bukai.

“Tu entara ti deka diasaika kitai laban Premier kitai selalu madah pemansang kitai patut nitihka singkang China,” ku iya.

Kelimpah ari nya pasal program Kuplet nya, Dr. Sim madahka nya siti pekara ti signifikan laban ia dibantaika dalam kaligrafi.

Kuplet tauka leka pantun ti dipenyadika iya nya asil ari seni penulis kaligrafi asal ari Kuching, Sim Poh Yaw ti diatu beumur 94 tahun.

SAMA BERAMI: Fatimah ( enam kiba) enggau temuai dipebasa bukai begulai enggau penerima bantu ba pengerami Sejambak Kasih Tahun Baru Cina begambar bebala mayuh, ensanus.