MIPD ngurangka projek tejanggal dalam timpuh dua taun
Penyampau projek tejanggal ulih dikurangka ari 96 ba pun taun 2022 ngagai 2 taun 2024, asil pengawa, kerejasama ejensi
SANTUBONG: Opis Menteri Infrastruktur enggau Pemansang Penyangkai Kapal (MIPD) mujur ngurangka penyampau projek tejanggal ari 96 ba pun taun 2022 ngagai 2 ba taun 2024.
Menteri iya, Datuk Amar Douglas Uggah Embas madahka pemujur nya asil pengawa, kerejasama, pemereti ati semua ejensi ari baruh MIPD ti gawa nyadi siti raban.
“Lebuh aku mangku pengawa nyadi Menteri MIPD ba tauna 2022, aku udah minta MIPD fokus ngagai sekeda objektif, iya nya kena nentuka semua projek pemansang ari baruh opis menteri diberi ngagai rayat enggau efektif sereta nitihka timpuh ti ditetap.
“Entara penanggul ti enda ulih enda diputarka maya nya, iya nya penambah penyampau projek tejanggal ti kritikal di serata Sarawak pengudah pandemiak COVID-19.
“Tang dalam timpuh dua taun, kitai udah mujur ngurangka penyampau projek tejanggal,” ku iya.
Iya madahka pekara nya lebuh bejaku ba pengawa nutup Program Retreat Pasukan Berprestasi Tinggi (HPT) Jabatan Kerja Raya (JKR) Sarawak 2024 di Damai Lagoon Resort ditu, kemari.
Ari sukut prestasi belanja pemansang, MIPD ku Uggah ba taun 2021 iya nya ba prestasi 67.46 peratus enggau taun 2022 iya nya 68.16 peratus.
“Aku temegah ati nyebut ba taun 2023 belanja pemansang kitai iya nya 89 peratus, entara ti pemadu tinggi dibandingka enggau opis menteri enggau opis
Lebuh aku mangku pengawa nyadi Menteri MIPD ba tauna 2022, aku udah minta MIPD fokus ngagai sekeda objektif, iya nya kena nentuka semua projek pemansang ari baruh opis menteri diberi ngagai rayat enggau efektif sereta nitihka timpuh ti ditetap.
Datuk Amar Douglas Uggah Embas
bukai.
“Tu ngayanka peninggi komitmen MIPD enggau Opis Kereja Raya (JKR) Sarawak bekerejasama ngenataika tanggungpengawa sida ngagai rayat,” ku iya.
Ba taun 2024, Uggah ti mega Sapit Premier Sarawak madahka enggau pemansang belanja RM799.5 juta, iya arap bendar MIPD ulih ngeraja enggau manah.
“Taun tu, taga kitai iya nya nyapai prestasi belanja pemansang 100 peratus,” ku iya seraya madah enggau kerejasama taga nya ulih dijapai.
Nengah retreat HTP nya, Uggah meri tabi puji ngagai JKR Sarawak ti ngatur nya
sereta iya tekenyit enggau pemanah input pekara dikerandau.
Iya mega ngarapka retreat nya ulih ngemanahka pengelemi
opis ngambika ulih meri servis ti lebih efektif ngagai rayat.
Sama bisi datai sapit menteri iya, Datuk Aidel Lariwoo,
Direktor JKR Sarawak Datu Richard Tajan sereta urung 192 iku pemesai JKR ari semua pampang enggau bagi menua.