Pengerami ‘Jom Heboh’ mekuh ngagai konsep begulai, mungkur semua
Tu manah kelebih agi program pemerindang ti ngaul komuniti lalu engkeman ungkup diri sebilik
Nya alai, perintah Sarawak nengah Opis Menteri Dagang Temuai, Industri Kreatif enggau Seni Pemerindang sigi nyukung pengawa ngatur pengerami bansa tu di Bumi Kenyalang asil ari kerejasama entara kompeni Media Prima Omnia enggau mega opis menteri.
KUCHING: Pengawa ngatur ‘Karnival Jom Heboh’ diterima manah komuniti Sarawak laban tu mekuh ngagai konsep begulai sereta mungkur semua pekara ti sinonim enggau nengeri tu.
Premier Sarawak Datuk Patinggi Tan Sri Abang Johari Tun Openg madah konsep begulai tu udah bisi dalam rayat Sarawak kenyau ari suba.
“Tu dibantaika nengah runding begulai, mungkur semua pekara dalam ngintu pemisi pupu raban bansa, jalai pengarap enggau etnik nengah leka jaku ‘Segulai Sejalai’.
“Berindik ari tu mih, ti nentuka pengerami tu nyelai lalu sekali tu dipeda nyadi Karnival Jom Heboh Segulai Sejalai Sarawak beserimbai enggau pengawa ngatur di mengeri Kuching ti kepenudi diatur ba ditu iya nya 11 taun ke udah,” ku iya.
Iya madah munyi tu nengah teks ti dibaca Menteri Dagang Temuai, Industri Kreatif enggau Seni Pemerindang Dato Sri Abdul Karim Rahman Hamzah ba pengerami Karnival Jom Heboh Segulai Sejalai Kuching 2024 ba Dataran Perayaan Petra Jaya ditu, kena malam Hari Enam.
Nitih ku Abang Johari, perintah Sarawak seruran ngelaluka pengawa ngatur program enggau aktiviti ti bisi ngaul komuniti.
Kebuah pia laban program baka tu, ku iya, bisi meri mayuh pemaik nyengkaum meri sukung ngagai ekonomi sereta dagang temuai di nengeri tu.
“Nya alai, perintah Sarawak nengah Opis Menteri Dagang Temuai, Industri Kreatif enggau Seni Pemerindang sigi nyukung pengawa ngatur pengerami bansa tu di Bumi Kenyalang asil ari kerejasama entara kompeni Media Prima Omnia enggau mega opis menteri.
“Meri besai pengaga ati ngagai raban pengatur program ti udah mujur ngatur pengerami ti bisi aktiviti merindang ati ke engkeman ungkup ruang bilik.
“Kelimpah ari nyadi pelasar ngagai bala orang ti bedagang mantaika produk dagang sida ti bisi 132 bansal bejual disediaka maya pengerami tu ti diatur pengelama tiga hari berengkah ari 26 Januari nyin tadi,” ku iya.
Enggau tu, Abang Johari madah, mayuh orang dagang menua tu ari selampur nengeri Sarawak ulih ngambi bagi lalu mega ngangkatka penatai pemisi sida.
“Besaijulukatiakungambika TV3 deka meri peluang ngagai pedagang menua tu semanjai pengawa ngatur pengerami ke chukup besai tu,” ku iya.