PBSMM Sibu udah nerima pemeri ambulans ti baru
Persatuan Bulan Sabit Merah Malaysia (PBSMM) pampang Sibu diatu ulih ngagkatka agi servis pengerai komunitipengudahtinerimapemeriti berega iya nya sebuah perengka pengangkut ambulans ti baru.
Chairman PBSMM pampang Sibu Penghulu Chua Hiong Kee madah, pemeri tu udah disuaka The Church of Jesus Christ of Latter-day Saints nyadi sebagi ari pengawa sida meri sukung servis pengerai rayat.
Ku iya, perengka pengangkut ambulans ke diterima PBSMM tu iya nya tikas pemanah gawa ti signifikan dalam ngangkatka tikas pengulih nyendiaka bantu maya penusah ngenyit ngagai peranak di kandang menua nya.
Ambulans tu disikap enggau kereban berubat moden lalu besedia meri servis berubat ngagai mensia mayuh ti begunaka nya.
“Kami endang beterima kasih sereta andal ati ba pemanah ati ti ngaul PBSMM Sibu dalam inisiatif pemeri tu,” ku iya.
Nitih ku Chua, ambulans baru tu meri empas ke besai ngagai tikas pengulih PBSMM dalam nyendiaka bantu pengerai ngagai komuniti di kandang menua Sibu.
Ku iya nerang, pemeri tu iya nya chunto penyulut dalam kerejasama entara Gerempung Ukai Dikuasa Perintah (NGO) dalam ngangkatka infrastruktur pengerai komuniti.
Tu mega ngayanka penyedar tanggungpengawa rama korporat ti majak chakah dipejalaika ba NGO.
“PBSMM terus komited meri sukung ngagai pengawa pengasih komuniti lalu meri besai terima kasih ngagai semua raban ti bekaul dalam nyadika pemeri tu nyata.
“Pemeri tu ukai semina meransang pemansang servis pengerai, tang mega meri sukung ngagai pengelantang komuniti,” ku iya nambah.
Iya mega ngarapka pengawa ti manah baka tu ulih meri peransang ngagai raban bukai ngambika sama ngaul diri dalam inisiatif ti baka tu ungkup pemaik begulai.
Sama bisi iya nya Penyanding Penemu PBSMM pampang Sibu Temenggung Dato Vincent Lau Lee Ming, Elderly Sandy Hall enggau Sister Ardella Hall.