Tun Taib apai Sarawak Moden ti mai pemansang di nengeri tu
Iya megai tanggungpengawa ti berat dalam nyamin pemujur Sarawak jemah ila nyadi ekonomi moden ari baruh SCORE
KUCHING: Premier SarawakDatukPatinggiTan Sri Abang Johari Tun Openg ngarika rayat Sarawak meri basa enggau terima kasih ngagai Tun Pehin Sri abdul Taib Mahmud laban udah merika pengidup iya dalam pemansang enggau pengelantang nengeri tu.
Dipadahka nyadi apai Sarawak Moden, Tun Taib ko Abang Johari megai tanggungpengawa ti berat dalam polisi nyamin pemujur Sarawak jemah ila nyadi ekonomi moden, kelebih agi enggau nguna pun pemisi pengeraja baru ari baruh Koridor Energi Ulih Dikemaru Sarawak (SCORE).
Beserimbai enggau tu iya ti ngarika Sarawak meri besai terima kasih enggau basa ngagai Tun Taib ti udah tembu timpuh meri servis nyadi Yang di-Pertua Negeri Sarawak ketujuh pengelama 10 taun kepenudi kenyau ari 2014.
Ngenang bekaul enggau
Datuk Patinggi Tan Sri Abang Johari Tun Openg kaul tumu Tun Taib dalam megai nengeri, iya berengkah ba umur ti agi biak lebuh ti nyadi kaban kabinet keterubah pengudah Sarawak diberi kuasa diri empu ari British kena 22 Julai 1963.
Pengudah nya, dalam taun 1966 (Tun Taib) mindah ngagai renggat perintah besai, meri servis dalam mayuh pangku pengawa menteri ba perintah besai.
Iya pulai ke Sarawak nyadi
Kepala Menteri dalam taun 1981 ti ngambi pangku pengawa nya ari Niang Tun Abdul Rahman Ya’akub nyadi Kepala Menteri Sarawak keempat.
“Maya nyadi Kepala Menteri , Pehin Sri Abdul Taib ngayanka kualiti kebendar iya nyadi ketuai rayat pupu bansa enggau jalai pengarap di Sarawak enggau ngempung rayat sereta ngedaka politik ti sama di Sarawak ari baruh polisi ‘politik pemansang’ iya.
“Iya megai tanggungpengawa ti berat dalam bejalaika polisi dikena nentuka pemujur Sarawak jemah ila nyadi ekonomi moden, kelebih agi enggau ngena pun pemisi pengeraja ari baruh Koridor Energi Ulih Dikemaru Sarawak (SCORE), iya tu mih apai Sarawak Moden,” ku Abang Johari nengah penerang kemari.
Ku Abang Johari agi, kualiti Pehin Sri Taib nyadi ketuai ti chukup manah mega patut nyadika chunto dalam ngasaka ketuai baru baka Niang Pehin Sri Adenan Satem, iya empu ti nyadi Premier enggau ketuai nembiak ke bukai.
Beserimbai enggau tu Tun Taib ti diganti Tun Wan Junaidi Tuanku Jaafar nyadi Yang di-Pertua Negeri Sarawak kelapan berenkgah 26 Januari 2024 nyentuk 26 Januari 2028.
Iya megai tanggungpengawa ti berat dalam bejalaika polisi dikena nentuka pemujur Sarawak jemah ila nyadi ekonomi moden, kelebih agi enggau ngena pun pemisi pengeraja ari baruh Koridor Energi Ulih Dikemaru Sarawak (SCORE), iya tu mih apai Sarawak Moden.