Tun Dr. Wan Junaidi deka ngatur program betemu enggau raban pengarang berita
Dikena ngelala enggau semak agi TYT Ke-8 Sarawak ti baru udah dichiri, ku Abdullah
Dalam siti awak ila TYT Tun (Dr. Wan Junaidi) deka ngambi peluang betemu enggau semua raban pengarang berita. Engka kitai tauka UKAS sereta ti bukai deka ngatur ba sebarang timpuh enti ulih bisi diatur randau dikena ngelala enggau semak agi TYT Tun kitai.
KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar dipelaba deka betemu enggau raban jurnalis tauka pengarang berita nengeri tu, ku Sapit Menteri ba Opis Premier Sarawak (Unit Perkara Korporat, Pemadah enggau UKAS), Datuk Abdullah Saidol.
Abdullah madah pekara nya dipadah ngagai iya lebuh ti betemu enggau Tun Dr. Wan Junaidi nyerumba atur pengawa angkat sumpah mangku pengawa nyadi TYT ke-8 Sarawak.
Iya ti ngarika raban pengarang berita di nengeri tu meri tabi puji enggau pemanah ngagai Tun Dr. Wan Junaidi ti udah dichiri mangku pengawa nyadi TYT baru Sarawak.
“Ngarika raban pengarang berita tauka media enda ngira dini alai, sida meri tabi puji ngagai Tun Dr. Wan Junaidi ti dichiri nyadi TYT baru kitai di Sarawak.
“Kemari (Ensanus) aku sempat betemu betunga mua enggau iya (Tun Dr. Wan Junaidi), lalu madah ke iya
Datuk Abdullah Saidol Sapit Menteri ba Opis Premier Sarawak (Unit Perkara Korporat, Pemadah enggau UKAS)
kitai (penulis berita) deka meri kerejasama ti pemadu manah.
“Dalam siti awak ila TYT Tun (Dr. Wan Junaidi) deka ngambi peluang betemu enggau semua raban pengarang berita. Engka kitai tauka UKAS sereta ti bukai deka ngatur ba sebarang timpuh enti ulih bisi diatur randau dikena ngelala enggau semak agi TYT Tun kitai,” ku iya.
Abdullah madahka pekara nya lebuh dirandau raban pengarang berita, nyerumba atur pengawa meri darah ti diatur begulai entara Unit Pekara Jalai Pengarap Bukai (UNIFOR) enggau Unit
Komunikasi Awam Sarawak (UKAS) ba sebuah palan bebeli barang tebilang ditu, kemari.
Nandu baru Abdullah madahka pengawa nyirika Tun Dr. Wan Junaidi ukai nyadi isu laban nya nitihka konstitusyen sereta arap bendar TYT baru nya ulih bejalaika tanggungpengawa enggau manah.
“Kitai nyukung TYT, ngarapka iya ulih bejalaika tanggungpengawa enggau manah ungkup Sarawak ti majak agresif rama mayuh bengkah aktiviti pemansang.
“Iya (Tun Dr. Wan Junaidi) mega seruran deka
mendingka berita pasal nama ti nyadi di Sarawak, sereta mega deka ngemaruka diri (ngenang penerang baru),” ku iya.
Abdullah madahka dipelaba enda lama agi TYT baru nya deka betemu enggau rayat sereta ngulu sekeda program ti bisi diatur.
Ensanus, Tun Dr. wan Junaidi Tuanku Jaafar angkat sumpah mangku pengawa nyadi TYT Nengeri Sarawak
ke-8, ti diatur ba Kompleks Kunsil Nengeri (DUN) Sarawak ditu, ti besaksika Premier Sarawak Datuk Patinggi Tan Sri Abang Johari Tun Openg enggau Akim Besai Sabah enggau Sarawak Tan Sri Dato Abdul Rahman Sebli.
Nyempulang Abdullah kemari, Direktor UNIFOR Datu Jack Aman enggau Direktor UKAS Samuel Simon sereta sida bukai.