Kaban koperasi di Sarawak diperansang ngangkatka penemu
Kelebih agi ngena teknologi enggau strategi baru ba pengawa dagang awakka ulih besemekih enggau industri bukai
KUCHING: Kaban koperasi di nengeri tu diperansang nambah tauka ngangkatka tikas penemu ngena teknologi enggau strategi baru ba pengawa dagang awakka ulih besemekih enggau industri bukai.
Lembaga Pengarah, Institut Koperasi Malaysia (IKMa), Datuk Wille Mongin madahka, enti dibandingka enggau menua barat, kitai kelebih agi di Sarawak mayuh pengeraja asal sereta dagang ti ulih dipejalaika baka dagang Ar-Rahnu, bedagangka produk betanam betupi sereta sektor bukai ti bedau diserungkai nyengkaum energi ulih dikena baru.
Enti dibandingka enggau gaya hari, ku iya, menua kitai ngembuan gaya hari ti manah sereta panas sepemanjai taun tang menua Barat semina bisi urung enam bulan timpuh ngereja pengawa diluar (rumah) taja pia ulih maju sereta bisi dagang ti chukup meransangka ati.
“(Menua kitai enggau
“Nya alai, aku chukup meransang kaban koperasi kitai ngambika patut terus nambah tauka ngangkatka tikas penemu ngena teknologi baru, chara nyadi ketuai ti ngena strategi baru ” enggau bedagang ngena chara baru.
Datuk Wille Mongin Lembaga Pengarah IKMa
menua Barat) Bisi bida, lalu nama bida nya? Bida ditu iya nya chara berunding, budaya gawa enggau mega chara kitai ngena teknologi.
“Nya alai, aku chukup meransang kaban koperasi kitai ngambika patut terus nambah tauka ngangkatka tikas penemu ngena teknologi baru, chara nyadi ketuai ti ngena strategi baru enggau bedagang ngena chara baru.
“Ngena chara nya baru kitai ulih besemekih, ti ukai semina besemekih enggau pangan diri dalam sama industri, tang mega ulih besemekih enggau nengeri sereta menua bukai, awakka kitai ulih nyadi kempetatif,” ku iya.
Kaban Parlimen Puncak Borneo nya nyebut pekara nya lebuh iya bejadi pengawa nutup Program Memasyaraktkan Koperasi Madani (MASKOP MAdani) ti diatur IKMa Zon Sarawak di BCCK ditu, kemari.
Bejaku baru iya madahka, mayuh koperasi di nengeri tu ti bisi potensial tinggi sereta bisi sekeda ulih mayar dividen enggau tinggi, tang penyampau koperesai ti mujur tauka aktif agi kurang.
“Aku minta sereta mega meri cabaran ngagai sapa ti baru deka numbuhka koperasi enggau nyema bisi koperasi udah ditumbuhkan tang enda aktif, patut ulih ngasih koperasi nya aktif sereta ngiga siti dagang ti ulih ngasuh koperasi nya aktif awakka ulih nempa penatai pemisi.
“Ulah mega siti ari kuchi kitai nyulut. Enti juluk ati kitai deka nyadi orang kaya tang ulah kitai enda nuju ngagai nya, udah tentu kitai enda mujur nyapai juluk ati nya. Ambika chunto, deka nyadi orang kaya tang tiap hari duduk kedai kopi, bakani deka ulih nyadi orang kaya,” ku iya.
Program MASKOP Madani taun tu iya nya inisiatif IKMa ti enggau tuju kena ngangkatka pemereti komuniti pasal tanggungpengawa koperasi dalam ngemansangka ekonomi komuniti enggau menua.
“Nambah nya, program nya mega dikena bejalaika promosyen pengelebih enggau penyelai koperasi ngagai komuniti sereta meri penerang pasal servis enggau produk ti disediaka ejensi ti dipegai Opis Menteri Pemansang Orang Dagang enggau Koperasi (KUSKOP) ngagai koperasi enggau komuniti,” ku iya.
Kelimpah ari nya, objektif besai program tu mega kena meri penerang ngagai koperasi ngambika ngerebut perluang taun 2024 ari aspek latih, pengawa dagang enggau ekonomi sereta pasal bantu enggau sukung ari ejensi ke dipegai KUSKOP kena ngemujurka Dasar Keusahawanan Nasional (DKN) 2030 enggau Pelan Transformasi Koperasi Malaysia 2021 2021 (TransKoM).
Sama bisi datai ba pengerami tu kemari, Sapit Ketuai Direktor (Pemansang Modal Mensia) IKMa, Mohd Zaib Mat Yunus sereta program dipasuk Anggota Lembaga Koperasi enggau koperator ari mayuh bidang dagang koperasi.