Perintah bebendar mai pemansang, pengelantang ngagai semua rayat
Kelebih agi di menua pesisir nengah nyendiaka program pemansang
SRI AMAN: Perintah seruranbebendarmaipemansang enggau pengelantang ngagai semua renggat komuniti di nengeri tu kelebih agi di kandang menua pesisir.
Kaban Parlimen Sri Aman Datuk Seri Doris Sophia Brodie madahka pengawa tu ulih dipeda nengah mayuh macham program pemansang dipejalaikaperintahungkuppemaik enggau pengelantang rayat.
Nitih ku iya, pemansang perintah deka tusah dijapai enggau manah nyema rayat enda ngena memanah semua peluang enggau perengkaguna ti disediaka perintah.
“Tu udah tentu ngerugika semua lalu ulih ngelubahka pejalai projek pemansang di nengeri tu,” ku iya maya pengerami bejadi ai beresi di Rumah Tiam, Kampung Sebemban Jampu, Bukit Begunan ditu kena Hari Enam nyin tadi.
Beserimbai enggau tu, ku iya rayat enda ulih agi ngembuan ulah ti diau diri aja lalu semina ngarapka semua bantu enggau subsidi ari perintah aja.
Tang, rayat patut nemu ngatika diri, bisi inisiatif sereta ngerebut semua peluang disediaka dalam mayuh sektor baka industri, dagang, teknologi, ladang, pelajar enggau mayuh agi.
Dalam konteks tu, rayat patut ulih nemu enggau nerima ubah sereta penemu baru enggau ngubah chara berunding sereta bekereja ngambika enda tinggal ari arus pemansang.
“Enggau betapi ba jeman globalisasyen pemisi teknologi dikena ngangkatka komunikasyen pemansang nyadi majak beguna enggau pemisi ngaga komuniti bepenemu sereta bisi informasyen tauka ‘k-Society’.
“Berindik ari tu, kuasa berunding komuniti enggau pengulih ngaga inovasyen patut dikemerat ngambika sida ulih besemekih lalu betapi enggau penguji sosioekonomi kemaya hari,” ku iya nerang.
Sama bisi datai iya nya Penghulu Bangga, Penghulu Lee, Penghulu Menjang Niah sereta pemesai Opis Pelilih Menua Pantu enggau mega bala tuai rumah.
“Tu udah tentu ngerugika semua lalu ulih ngelubahka pejalai projek pemansang ” di nengeri tu.