Program lutur terebai deka bejalaika servis kena 6 nyentuk 16 Februari tu

Program ngelawa Servis Lutur Terebau (PDU) Opis Pengerai Nengeri (JKN) Sarawak deka diatur ba bagi menua Sarikei, Sri Aman, Sibu, Kapit enggau Miri kena 6 nyentuk 16 Februari tu.

JKN Sarawak dalam penerang madah, servis ngelawa ungkup komuniti di kandang menua tu deka diteruska nyema gaya mua hari manah.

Ungkup bagi menua Sarikei, ku iya, kandang menua ti deka dilawa PDU iya nya Rumah Enggie enggau Kemalih kena 6 Februari, Rumah Bugie enggau SRK Ju (7 Februari) sereta Rumah Kiroh enggau Rumah umar (8 Februari).

“Ungkup bagi menua Sri Amankandang menua ti bekaul iya nya Rumah Thomas enggau Rumah Sibu, Perdu, Ulu Spak kena 9 Februari ditangkangka enggau Rumah Mamut, Langgir, Lingga enggau Rumah Munggu Sawa, Pantu (13 Februari), lalu udah nya Rumah Lidom, Sungai Paya, Menjuau enggau Rumah Rimong Begantong (14 Februari).

“Kena 15 Februari, PDU deka bisi di Rumah Bada, Nanga talong, Ulu Engkari enggau Rumah Nyandang, Ulu Akup, Skrang lalu Nanga Bawie, Ulu Lemanak (16 Februari),” ku iya.

JKN Sarawak madahka, ungkup bagi menua Sibu, PDU deka ngelawa Rumah

Seliau enggau Rumah Tuan kena 6 Februari ditangkanka enggau Rumah Engkayau, Ulu Machan enggau Rumah Janting kena 7 Februari.

“Beserimbai enggau tu di bagi menua Kapit, PDU deka ngelawa Rumah Nuga enggau Rumah Ringga kena 8 Februari, Rumah Liun, Ibau enggau Rumah Messop, Ibau (9 Februari), Rumah Majo enggau Rumah Kennedy (13 Februari), Rumah Ajan, Long Singut (14 Februari), Rumah Achau enggau Rumah Ngelambong (15 Februari) sereta Rumah Ai Anak Jalin, SUngai Entawau enggau Bena, Balleh (16 Februari),” ku penerang tu.

Ungkup bagi menua Miri, ku penerang tu nambah, PDU deka ke Long Sait kena 6 Februari ditangkanka Long Kelian (7 Februari), Long Lubang enggau Medamot (8 Februari), Ramudu (9 Februari), Long Kawi (13 Februari), Ba Data Bila (14 Februari), Ba Ajeng (15 Februari) enggau Ba Pakan (16 Februari).

“Berindik ari tu, komuniti ti diau ba kandang menua tu dikearap ulih nganti ba rumah panjai diri dikena meri awak ungkup PDU tu,” ku iya.

Sebarang tanya enggau penerang ti silik, tau telefon ngagai Ketuai Penulung Pemesai Perubat U42 di Pampang Pemansang Pengerai Ruang Bilik Junaidi Othman ba lumur 082-473200 (ext 416).