Sarawak patut bisi undang-undang baru ti setipak enggau ekosistem sereta ubah dunya
Pengereja pengawa perintah patut nemu, meretika undang-undang baru setipak enggau ubah dalam ekosistem dunya
KUCHING: Sarawak patut bisi udang-undang baru tauka ngemaruka undangundang lama awakka seruran setipak enggau ekosistem tauka ubah dunya.
Premier Sarawak, Datuk Patinggi Tan Sri Abang Johari Tun Openg madahka, bekaul enggau pekara nya, pengereja pengawa perintah patut sereta dipinta nemu lalu meretika undang-undang baru setipak enggau ubah dalam ekosistem dunya.
“Ambika chunto, undangundang siber, kitai mesti meretika undang-undang siber diatu laban mayuh kes penyalah dalam ruang siber (siber space). (Baka) ‘Scam’, bisi ngeripot madah duit lenyau ketegal kena ‘scam’, tu kes penyalah baru.
“Kedua, kadang-kadang nya dagang lalai mensia (human trafficking) ngujungka mayuh anak kitai kena tipu, (baka ti nyadi) di Kemboja, Myanmar, Peru sereta ba menua bukai.
“Reti nya, undang-undang patut relevan sereta kitai (pengereja pengawa perintah) mesti nemu undangundang tu awakka kitai bisi chara kena ngiga tauka nyidi pesalah. Tu (bekaul enggau) undang-undang siber,” ku iya.
Abang Johari madahka pekara nya maya bejaku
bejadika Hari Pengereja Pengawa Perintah Renggat Nengeri Sarawak 2024 , ti diatur di BCCK ditu, kemari.
Bejaku baru iya madahka, apin lama perintah Sarawak mega bisi numbuhka undangundang baru pasal nyadung enggau nguruska gis, sereta pengereja pengawa perintah
mesti landik tauka bepenemu dalam (pasal) undang-undang ti dikemansangka nya.
Iya mega ngelalau sereta ngingatka pengereja pengawa ba opis kampung sereta opis rampa menua mega patut nemu pasal dagang karbon enggau pengawa nyimpan karbon.
“Ditu reti nya ekosistem
berubah, undang-undang mega patut berubah sereta kitai mesti nemu chara ngena undang-undang baru nya. Undang-undang baru kitai nentuka, sereta kitai mega minta ngambika pengereja pengawa perintah meretika undang-undang ti udah ditumbuhka kitai.
“Tu laban ia pekara baru
dalam landskap ekonomi dunya sereta Sarawak bisi pengering tauka penegap, enggau Sarawak mesti bisi undang-undang ti patut awakka kitai ulih bejalaika tanggungpengawa dalam ekonomi baru tu.
“Tu pekara ti deka dipekunsi awakka pengereja pengawa perintah meretika pemesai reti meretika undang-undang ti baru,” ku iya bejaku di mua urung 5,000 iku pengereja pengawa perintah nengeri enggau perintah besai.
Pengerami nya sama digulu, Sapit Premier Sarawak, Datuk Amar Awang Tengah Ali Hasan; Sekretari Perintah Sarawak, Datuk Amar mohamad Abu Bakar Marzuki; Sekretari Perintah Besai Sarawak, Dato Ahmad Nadzri Mohd Hassan, enggau bala pemesai bukai.
“Reti nya, undang-undang patut relevan sereta kitai (pengereja pengawa perintah) mesti nemu undang-undang tu awakka kitai bisi chara kena ngiga tauka nyidi pesalah. Tu (bekaul enggau) undangundang ” siber. Datuk Patinggi Tan Sri Abang Johari Tun Openg Premier Sarawak