Padi bukit begunaka baja dalam ngangkatka kualiti asil utai tanam
Laban tanah ti ebdur bumai padi bukit dikena mayuh kali lalu tanah bukai ungkup utai tanam bukai
SRI AMAN: Meri baja endang beguna ngagai orang ti nanam padi bukit ungkup tuju ngangkatka asil utai tanam sida.
Kebuah pia laban ngiga tanah ti galak agi ngulihka asil ti manah.
Kaban Kunsil Nengeri (ADUN) Bukit Begunan Datuk Mong Dagang madah, tu berindik ari tanah enggau nanam padi diatu enggai enda pan dikena baru laban mayuh ari tanah bukai udah ungkup utai tanam bukai.
Iya madah munyi tu lebuh ti matau enggau ngelawa ngagai Ladang Padi Bukit di Rumah Helery Kichen, Kampung Nyelam, Sri Aman ditu bedau lama ti udah.
Nitih ku Mong, padi bukit iya nya siti ari utai tanam ti patut nya dipejalaika enggau chara mindah ari komuniti Iban kenyau ari suba.
“Kebuah pia laban ngiga tanah ti galak agi ngulihka asil ti manah.
“Suba padi bukit ditanam chara organik ti enda ngena
Datuk Mong Dagang
ADUN Bukit Begunan
rachun tauka baja,” ku iya nerang.
“Tang diatu laban jeman udah berubah ke alai tanah endur bumai enggai enda pan dikena baru berindik ari dikena ungkup utai tanam bukai baka buah, sawit enggau lada.
“Nyaalai,ngenabajachukup beguna dalam pengawa nanam padi bukit ungku[ ngangkatka asil utai tanam sida,” ku iya nambah.
KuMongagi,iyaberatikasida ti bumai padi bukit betapi enggau pemar nyengkaum kurang pengerindu ba raban nembiak rebak baru dalam sektor betanam betupi, infrastruktur betanam betupi ti enda manah, rega input ti tinggi sereta kualiti benih ti enda manah.
“Aku ngelalau bala peranak ngambika nguna bantu ke diberi perintah baka baja padi enggau buah ti enggau memanah dalam ngangkatka kualiti asil utai tanam sida,” ku iya nambah.
Ba program ti sama, Mong madahka langkar pemansang perintah Sarawak enggau Opis Betanam Betupi Sarawak kelebih agi program pemansang betanam betupi baka Pemansang Ladang/ Umai Padi Selepong-Panggil ke benung dalam renggat keterubah sereta servis.