Sarawak dekaka Delta Sarawak ditukuka nyadi UGGp manggai 2026
Pengawa meresa benung dipejalaika dalam nentu sekalika Delta Sarawak, geopark menua keenam di menua tu, ngembuan pemisi guna ba tikas antarabansa
KUCHING: Perintah ngeletakka juluk Delta Sarawak ditukuka nyadi Geopark Global UNESCO (UGGp) datai ba taun 2026.
Premier Sarawak Datuk Patinggi Tan Sri Abang Johari Tun Openg madah, pengawa meresa benung dipejalaika dalam nentu sekalika Delta Sarawak, geopark menua keenam di menua tu, ngembuan pemisi guna ba tikas antarabansa.
“Bala pakar ke bisi ditu lalu sida benung meresa penyampau aset kitai ti nyadi sebagi ari Geopark.
“Nyema mujur, kitai ulih bekaul enggau kandang menua bukai ti udah ditukuka nyadi UGGps,” ku iya lebuh ti bejaku maya pengerami bejadi Hotel Sheraton Kuching ditu, kena malam Hari Minggu.
Sama bisi iya nya bini Abang Johari, Datin Patinggi Datuk amar Juma’ani Tuanku Bujang, Sapit Premier Sarawak Datuk Amar Gouglas Uggah Embas enggau Datuk Amar Dr Sim Kui Hian, Menteri Dagang Temuai, Industri Kreatif enggau Seni Pemerindang Dato Sri Abdul Karim Rahman Hamzah, Menteri Perengka Pengangkut Dato
Sri Lee Kim Shin enggau pengempu Hotel Sheraton Kuching Tan Sri Yee Ming Seng.
Abang Johari madah sebagi ari kandang menua ti nyadi peransang Sarawak iya nya Pulau Jeju di Korea Selatan, sebuah UGGp ke dituku laban ti mayuh formasyen gunung berapi enggau pemisi geologi nya.
“Nya alai nama ti digaga, kitai deka ngaul Kuching
“Nyema mujur, kitai ulih bekaul enggau kandang menua bukai ti udah ” ditukuka nyadi UGGps. Datuk Patinggi Tan Sri Abang Johari Tun Openg Premier Sarawak
enggau Pulau Jeju ngambika maya musin chelap, sida ulih datai ke Kuching ngasaika Geopark ditu.
“Nya alai kitai begunaka kompeni penerebai bilun diri empu ngambika kitai bisi penerebai bilun terus ari Korea Selatan ke Kuching, ari Jipun ke Kuching, sereta palan ASEAN ke bukai,” ku iya.
Kelimpah ari Delta Sarawak, Abang Johari madah, perintah Sarawak mega benung beranakka puku dalam ngangkatmanah Gua niah nyadi Palan Pesaka Dunya UNESCO.
“Kitai diatu dalam renggat kepenudi nyuaka lalu nyema mujur , tu deka nyadi Palan Pesaka Dunya UNESCO kedua Sarawak lalu tu mega
deka matak mayuh agi temuai datai kelimpah Taman Negara Mulu. Sida deka ulih nemu enggau silik agi bekaul enggau sejarah Gua Niah.
“Tu mih ti digaga perintah Sarawak, lalu kitai beranakka puku dalam nyendiaka perengkaguna ti ulih ungkup semua di Niah,” ku iya.
Ku iya madah, perintah Sarawak ti beranakka puku dalam ngerichahka sektor dagang temuai nengeri iya nya setipak enggau pengeransing nentuka penyedar bekaul enggau Sarawak ti lalu udah nya deka matak mayuh agi temuai datai ngelawa nengeri tu.
Kelimpah ari temuai, iiya
madahka nengeri tu mega udah mujur ngatur mayuh konvensyen enggau program dagang.
“Kitai ngembuan tiga konvensyen antarabansa ke deka diatur nyengkaum Kongres enggau Pengawa Pemandang Ai Dunya. Tu deka mai 10,000 pesereta.
“Kitai begunaka palan endur diau ungkup pesereta ti datai ke konvensyen enggau program dagang ditu lalu berindik ari sida mayuh nya orang dagang enggau ketuai korporat, sida begunaka palan endur diau ti bisi kualiti.
“Aku andal laban kitai diatu bisi Hotel Sheraton Kuching ke deka nyendiaka
palan diau bekualiti ungkup temuai pedagang ke datai kitu,” ku iya.
Abang Johari optimis Hotel Sheraton Kuching ulih nyendiaka pemanah gaya ungkup sektor dagang temuai nengeri.
“Aku dipadahka iya nya pengawa ngatur hotel tu ari baruh Marriott International, sebuah raban pengatur pengawa ti tebilang ke udah ngatur hotel renggat antarabansa.
“Aku ngarapka nengah kaul enggau rentayan sida, raban tu ulih mai mayuh agi temuai lalu nemu rayat Sarawak ti kemerah,” ku iya nambah.