Sarawak ngerikodka 352,983 iku temuai ba bulan Januari 2024
Tebal agi temuai ti datai ari menua luar, tu niki 10.63 peratus enti dibandingka enggau timpuh ti sama ba taun nyin kemari
KUCHING: Sarawak ngerikodka sepenyampau 352,983 iku temuai datai ba bulan Januari 2024 iya nya niki 10.63 peratus enti dibandingka enggau timpuh ti sama ba taun nyin kemari.
Menteri Dagang Temuai, Industri Kreatif enggau Seni Pemerindang, Dato Sri Abdul Karim Rahman Hamzah madahka, tebal agi temuai ke datai ba pun bulan taun 2024 iya nya temuai menua luar.
Iya arap bendar ninting bulan penyampau temuai tama kitu deka majak nambah sereta Sarawak komited ulih nyapai juluk empat (4) juta temuai datai ba taun 2024.
“Bepelasarka data ari Opis Imigresyen, laban temuai tu tama nengah garis antara menua kitai, ba bulan Januari 2024 bisi 352,983 iku temuai tama kitu enti dibandingka enggau bulan Januari 2023 bisi 319,064 iku, ditu bisi nambah 10.63 peratus, urung nambah lebih 40,000 iku temuai.
“Ari penyampau nya temuai menua luar ba bulan Januari 2024 bisi 212,125 iku, dibandingka enggau 2023 ba timpuh ti sama bisi 172,983 iku iya
Bepelasarka data ari Opis Imigresyen, laban temuai tu tama nengah garis antara menua kitai, ba bulan Januari 2024 bisi 352,983 iku temuai tama kitu enti dibandingka enggau bulan Januari 2023 bisi 319,064 iku, ditu bisi nambah 10.63 peratus, urung nambah lebih 40,000 iku temuai.
nya nambah 22.63 peratus. Tu indikator ti manah, laban baru bulan Januari udah bisi penambah sereta selalu nya enti baka tu deka terus datai ngagai bulan Disember.
“Taja pia penyampau temuai domestik iya nya ari Sabah enggau Semenanjung Malaysia bisi ngayanka pengusut, ba bulan Januari 2024 bisi 140,858 iku temuai domestik tama kitu enti dibandingka enggau bulan ti sama taun 2023 bisi 146,081 iku, ditu bisi kusut mimit iya nya 3.58 peratus,” ku iya nyaut lebuh ditanya pasal penyampau temuai datai
ke Sarawak dalam bulan keterubah taun 2024.
Abdul Karim meri penerang nya lebuh ditanya raban media nyerumba aum pengarang berita filem “Raya Emas : Salako Harta Suci” ti diatur ba Restauran Muzium Budaya Borneo ditu kemari.
“Bekaul enggau penyampau resit dagang temuai, semina naka bulan Januari 2024 iya bisi RM909.37 juta dibandingka enggau bulan ti sama taun 2023 bisi RM809.37 juta, tu bisi nambah iya nya 12.11 peratus,” ku iya.
Bejaku baru Menteri Nembiak, Lumba enggau Main, sereta Pemansang Orang Dagang nya madah diri arap bendar penyampau 4 juta temuai tama kitu ti ditaga ba
taun 2024 ulih dijapai sebedau bulan Disember.
Kebuah pia ku iya, laban Sarawak mayuh ngatur promosyen sereta program nengah Opis Dagang Temuai Sarawak (STB) enggau Business Event.
“Aku chukup arap bendar (confiden) nengah raban kitai, baka STB mayuh ngagai promosyen, sida Business Event mayuh ngatur aum besai, nya alai aku arap bendar kitai ulih nyapai empat (4) juta iku temuai tama kitu.
“Penyampau temuai ke tama kitau bulan Januari 2024 ulih nyadi ‘Benchmark’ ti manah,” ku iya seraya madah diri deka ngelakuka Sarawak maya bejadi Sarawak Pavilion di Berlin minggu baru.