Niang Tun Taib nentuka pemansang Sarawak moden
Iya ti mega Ex TYT udah meri sukung ti besai kelebih agi lebuh ti nyadi menteri industri besai ba renggat perintah besai
KUCHING: Niang Tun Abdul Taib Mahmud baka sebuah institusyen laban sukung iya ti endang besai ngagai pemansang enggau ubah moden kelebih agi ngagai Sarawak, lalu Malaysia mega.
Iya selalu nusi ngagai aku bekaul runding ti enda bechiping. Laban nyema dipeda ari filem ‘Antara Dua Darjat’ tu, reti nya kitai patut meri servis ti sama tauka enda bechiping ngagai mensia.
Premier Sarawak Datuk Patinggi Tan Sri Abang Johari Tun Openg madahka Taib ti mega Ex Tuai Pemegai Menua udah meri sukung ti besai kelebih agi lebuh ti nyadi menteri industri besai ba renggat perintah besai.
Iya madahka Taib iya nya siku orang ti endang mekuh ngagai penumbuh Petronas.
Ari sukut rama mega, ku iya, semua udah nemu Taib endang rinduka filem P.Ramlee laban filem P.Ramlee ngambuan prinsip ambika chunto baka filem ‘Antara Dua Darjat’.
“Iya selalu nusi ngagai aku bekaul runding ti enda bechiping. Laban nyema dipeda ari filem ‘Antara Dua Darjat’ tu, reti nya kitai patut meri servis ti sama tauka enda bechiping ngagai mensia.
“Tu nyata Tun Pehin Sri (Taib) ngembuan runding ti chukup dalam nyentukka iya ulih belematika prinsip idup lalu aku kebendar nya diajar Tun Pehin Sri kenyau ari aku ngaul diri dalam bidang politik dalam taun 1981,” ku iya ba aum media di Bilik Menunggu VVIP Padang Bilun Antarabansa Kuching (LTAK) kemari.
Abang Johari mega madahka lebuh Taib nyadi Kepala Menteri, iya begulai enggau niang betapi enggau pemar lalu ulih ngemanahka politik nengeri tu nyentukka Sarawak bulih pemujur ti besai.
Ku iya madah, Taib semanjai nyadi Tuai Pemegai Menua mega suah mesan ngambika pengelantang di nengeri tu
patut dikemerat lalu seruran ngemaruhka diri lebuh ti meri servis ngagai rayat.
“Aku agi ingat lebuh ti dichiri nyadi Menteri Muda Betanam Betupi, iya (Taib) minta aku ngangkatka ekonomi orang bumai enggau raban ti berikan... Nya alai kitai ngatur ‘Hari Peladang dan Nelayan’ ti keterubah berenkgah di Samarahan.
“Tu iya nya ajar ti chukup manah ari Tun Pehin Sri (Taib) ukai semina ngagai aku tang mega ngagai bala kaban kabinet ke bukai nyengkaum Datuk Amar Douglas Uggah Embas ke alai iya (Uggah) deka nyadi chalun tang Tun Pehin Sri madahka nganti dulu, lalu Uggah nitihka dipadah iya,” ku iya nambah.
Abang Johari madahka sukung
Taib tu mayuh ngajar iya enggau rintai ketuai nengeri ke agi biak maya nya.
“Aku chukup beterima kasih ngagai Tun Pehin Sri laban ajar ke udah diberi ngagai kami lebuh ti agi biak suba... Ti beguna agi Tun Pehin Sri (Taib) enda amu enggau peneleba iya, iya ti suah bekunsi enggau kitai.
“Kemari (Hari Dua) aku bisi ngabas iya lalu meda mua iya, aku ngasaika chukup sinu,” ku iya enggau jaku ti sinu.
Nitih ku Abang Johari agi, Taib lebuh ti nyadi Kepala Menteri Sarawak, iya udah ngubah polisi pemansang kelebih agi ari sukut pemansang tanah enggau penumbuh LCDA (Opis Pemansang enggau Nyaga Tanah).
“Mayuh ti enda nemu enggau tuju penumbuh LCDA lalu aku siku ari ti nemu laban udah dipadahka, kitai patut ngerejaka pesaka kitai ungkup rayat nyengkaum pekebun mit.
“Ari sukut pemansang mengeri, Tun Pehin Sri udah nyiri aku nyadi Menteri Industri Sarawak. Aku orang ti keterubah (dichiri nyadi menteri ndustri) lalu iya udah ngembing aku lalu ari tu kitai udah ngemansangka Taman Perindustrian Sejingkat enggau Samajaya.
Bejaku enggau silik Abang
Johari madahka Samajaya ke mai reti ‘sama-sama berjaya’ iya nya ari buah runding Taib lalu baka nya mega Samalaju di Bintulu ke mai prinsip sereta momentum begulai.
“Reti nya, bisi polisi dalam tetiap buah runding Tun Pehin Sri, diatu semua udah berubah, jeman berubah, nya alai aku udah belajarka ari chara iya lalu jeman aku, jeman ti moden agi ari sukut digital enggau teknologi baru.
“Berindik ari tu mih aku nyingkang ngagai jeman tu (ekonomi baru enggau teknologi digital),” ku iya.
Sama bisi datai maya aum media tu iya nya Sapit Premier Sarawak Datuk Amar Douglas Uggah Embas, Datuk Amar Dr Sim Kui Hian, Menteri Pemansang Orang Indu, Nembiak Mit enggau Pengelantang Komuniti Dato Sri Fatimah Abdullah, Menteri Dagang Tmeuai, Industri Kreatif enggau Seni Pemerindang Dato Sri Abdul Karim Rahman Hamzah.