Sekeda endur di Sibu betapi penanggul ai 27 Februari tu
Sekeda kandang endur ditu deka betapi penanggul ai kena 27 Februari tu, berengkah ari pukul 10 malam.
Opis Ai Sibu (LAS) nengah penerang berita madahka, nya berindik ari pengawa ngemanahka agi sistem ai beresi Zon 60 Meter di Loji Penapis Ai Salim ti begunaka timpuh urung tujuh jam kena nembuka kereja.
“Peranak ke kena penanggul tu dilalau nyimpan ai ti chukup dikena sepemanjai timpuh nya.
“Kami naka ulih ngaga kereja enggau lengkas sereta nyendiaka ai baka selama berenggat ba kandang endur ti kena penanggul nya,” ku opis nya ba sebengkah penerang kena Hari Empat.
Kandang endur ti betapi penanggul ai iya nya sepemanjai Jalai Tun Ahmad Zaidi Adruce (jalai puntang Jalan Salim) – Lorong 40 ngagai 52 (nyengkaum SMK Bukit Assek enggau Borneo Supermarket), sepemanjai Jalai Tunku Abdul Rahman – ari Opis Kimia nyentuk ke Jalai Ulu Sg. Merah (nyengkaum Jalai Permai Jaya, Daesco, Starlink Hotel, Jalai Ling Kai Cheng, Jalai Gelama, Jalai Angsana, Sekolah Rosli Dhoby, Sekolah
Vokasional, enggau Lorong Deshon 18 enggau Lorong Ulu Sg. Merah 12 nyentuk ke 63).
Sama betapi penanggul nya di genturung pendiau iya nya Kampung Bahagia Jaya, Rh. Edward enggau Rh. John Lalong di Jalai Teku Pasai, Jalai Oya Lama nyentuk ke simpang Sibu/Bintulu (nyengkaum Sepital Sibu, Jalai Permai, Jalai Undan, Jalai Cendana, Lorong Tunku Abdul Rahman 31, Jalai Satria, Jalai Bumi Indah, Jalai Kpg. Jeriah,
Jalai Bougenvilla, Jalai Pine, Taman Kemuyang, Kem Rascom, Methodist Victory Home, Jalai Pasai Bon Dua).
“Enti gaya hari enda manah maya nya ila, kereja ngemanahka nya deka dipejalaika hari nangkan nya. Kami minta ampun ketegal penanggul ke nyadi tu,” ku opis nya.
Mensia mayuh enti bisi pekara deka ditanya pasal nya tau telefon ngagai Talikhidmat LAS ngena lumur 013-8106311.