Ketuai komuniti enggau tuai rumah patut ngembuan data genturung pendiau ti betul
Bekaul peranak, profil genturung pendiau dikena ngemuntangka pengawa meri bantu
KUCHING: Sapit Premier Datuk Amar Douglas Uggah Embas dekaka semua ketuai komuniti enggau tuai rumah panjai ngetanka data ti betul ti mungkur peranak enggau profil genturung pendiau tauka rumah panjai sida empu.
Ku Uggah, data ti betul tu amat beguna dikena ngemuntangka pejalai mayuh program pemansang perintah, projek enggau aktiviti ungkup sida.
Kelimpah ari tu, data tu mega ulih mantu dalam meri bantu ti lanchar, ku iya.
Iya madah munyi yu ba pengerami makai lemai ti diatur Geremnpung Ketuai Komuniti enggau Tuai Rumah Panjai Iban Bagi Menua Serian ba Balai Komuniti Serian kena Hari Enam tu tadi.
Pengerami tu diatur ari baruh pegai Presiden gerempung iya nya Temenggong Datuk Harrison Lunsa.
Sama bisi datai iya nya Menteri Pelajar, Inovasyen enggau Pemansang Penau Dato Sri Roland Sagah, Sapit Menteri Industri Pemakai, Komoditi enggau Pemansang Kandang Menua Datuk Martin Ben enggau Sapit Menteri Dagang
Temuai, Industri Kreatif enggau Seni Pemerindang Datuk Snowdan Lawan.
Beserimbai enggau tu, Uggah minta raban ketuai ngambika terus bejalaika tanggungpengawa nyadi mata enggau pending raban administrasyen.
“Tang ungkup bejalaika tanggungpengawa enggau manah, kita mesti ngembuan penemu ti manah bekaul enggau langkar pemansang, polisi sereta program perintah ke bekaul.
“Pengudah nya kita ulih madah ngagai eranak di genturung pendiau sekalika tu ungkup kandang menua kita.
“Nyema nadai tu, kita enda ulih bejalaika tanggungpengawa enggau manah,” ku iya.
Uggah mega nyamin iya nya perintah Gabungan Parti Sarawak (GPS) chukup beterima kasih enggau ripot sereta buah runding bekaul chara ti pemadu manah dalam ngemansangka nengeri tu.
Iya mega ngelalau sida ngambika terus nyerakupka rayat dalam nyukung perintah.
Enggau penyerakup tu, semua ulih begulai (Segulai Sejalai) ngagai pemansang
Tang ungkup bejalaika tanggungpengawa enggau manah, kita mesti ngembuan penemu ti manah bekaul enggau langkar pemansang, polisi sereta program perintah ke bekaul.
Datuk Amar Douglas Uggah Embas Sapit Premier Sarawak
enggau pengelantang.
“Kitai bisi siku ketuai ti endang nemu, enda bechiping sereta bisi misyen iya nya Premier Datuk Patinggi Tan Sri Abang Johari Tun
Openg ti mega bepelasarka pemansang kandang menua pesisir,” ku iya.