Sarawak bebendar nentuka potensial ekonomi nyadi nyata sebedau taun 2030
KUCHING: Sarawak udah ba timpuh ti berat nempa menua ungkup nengeri tu ngulihka baru hak enggau autonomi, ku Sapit Premier Sarawak Datuk Amar Dr Sim Kui Hian.
Ku iya madah, nengeri tu udah netapka juluk ari baruh Strategi Pemansang Pengudah COVID-19 (PCDS) 2030 lalu majak semak ngagai Sarawak nentuka potensial ekonomi nyadi nyata sebedau taun 2030.
“Kitai deka bejalaika pengawa enggau ungkup kitai diatu ti berat agi ari ti sebedau tu.
“Lapa tu berat agi diatu dibandingka sebedau tu? Laban kitai benung ba renggat nempa nyadi menua.
Iya madah munyi tu lebuh pengerami Makai Lemai Gala Taun Baru China Gerempung Pengarang Berita Bagi Menua
Kuching (KDJA) ditu, kena malam Hari Satu.
Ambika chunto, ku Dr Sim madah, Sarawak benung bebendar negika autonomi nyaga pengerai enggau mungkur semua.
“Tu dikena nyaga pengelantangpendiaurayatSarawak enggau manah kelebih agi Sepital Jantung Sarawak kitai udah nerima mayuh gelar di renggat antarabansa,” ku iya.
Enggau lebih 245,000 rayat Sarawak berubat di sepital tu kenyau ari 22 taun ke udah, iya madahka tu udah dalam rintai 100 sepital pakar ti pemadu manah di Asia Pasifik sereta servis perubat ke disediaka tu iya nya setipak enggau ti bisi di Australia enggau United Kingdom.
Iya madahka nengeri tu mega sama udah ngenukuka pemerat guna pelajar lalu perintah Sarawak deka nangkup semua ungkus entara RM500 juta enggau RM600 juta setaun dalam neyndiaka servis pelajar ba tikas dunya ngagai rayat Sarawak, ti enda ngira penatai asal enggau belanja sida,” ku iya.
Nitih ku iya, tetiap sekula antarabansa diperambu ngembuan populasyen nembiak urung 1,000 iku lalu nembiak ari ruang bilik B40 ulih enda mayar servis sekula sida.
“Urung 40 peratus pengawa ngambi nembiak di sekula antarabansa Yayasan mega udah khas ungkup nembiak ari raban ti ari penatai pemisi setengan tauka M40 lalu sida mega deka ngasaika bayar sekula ti kurang,” ku iya seraya nambah bisi laluh 10 peratus pengawa ngambi tu iya nya khas ungkup nembiak ari ruang bilik ti bepenatai pemisi tinggi.