Gawai Dayak, Kaamatan patut diaku nyadi hari besai nasional
Perintah besai diansak masukka Hari Gawai Dayak enggau Pengerami Kaamatan nyadi hari kemisi serata menua
KUCHING: Perintah dipinta ngemasuk sereta ngaku Hari Gawai Dayak enggau Kaamatan nyadi hari besai tauka kemisi serata menua.
Kaamatan nyadi hari kemisi serata menua.
“Ia bisi dua hari (kemisi), iya nya 31 (Mei) pengerami Kaamatan ungkup bansa Kadazan Dusun di Sabah, sereta 1 Jun iya nya Hari Gawai ungkup komuniti Dayak di Sarawak.
“Kebuah pia, laban pengerami tu ukai semina komuniti Kadazan Dusun ti ngerami ukai semina komuniti Dayak ti berami tang nyauka semua bansa di Sabah enggau Sarawak ngerami sereta berami,” ku iya maya baum Dewan Rakyat Hari Empat tu tadi.
Nitihka iya, pekara ti sama kala dibantaika iya maya baum
Dewan rayat sebedau tu.
“Tang menteri madahka Malaysia kelalu mayuh hari kemisi serata menua...14 hari enti enda salah aku.
“Tang nama kebuah enda, tu amat beguna laban patut dikeingatka nadai Sarawak, nadai Sabah nadai Malaysia,” ku iya.
Sebedau tu Gagasan NGO (gerempung ukai dikuasa perintah) Sarawak, iya nya Persatuan Intelektual Pribumi Sarawak (PERANTIS), Persatuan Terabai Menua (TM) enggau Persatuan Masyarakat Salako dan Rara Sarawak (PERASA) mega madahka pekara ti sama.
Nitihka Gagasan NGO nya, setipak enggau konsep Malaysia MADANi Perintah Penyerakup iya nya asil ari penemu Anwar, nya alai, udah datai ba maya ti patut perintah besai ngaku Hari Gawai Dayak ti diintu kena 1 Jun di Sarawak enggau pengerami Kaamatan kena 31 Mei di Sabah, nyadi hari kemisi serata menua.
Kebuah pia, laban pengerami tu ukai semina komuniti Kadazan Dusun ti ngerami ukai semina komuniti Dayak ti berami tang nyauka semua bansa di Sabah enggau Sarawak ngerami sereta berami.