Serumpu makai lemai Gawai Dayak Renggat Nengeri 2024 kena 22 Jun
KUCHING: Legit pengerami Gawai Dayak Renggat Nengeri 2024 iya nya serumpu makai lemai Gawai deka diatur kena 22 Jun di BCCK.
Pengerami Gawai Dayak Renggat Nengeri taun tu ke diatur komuniti Bidayuh deka sama richah enggau besai baka sebedau tu.
Sebengkah komiti besai ti nyadi pengatur udah ditumbuhka, ti bechairmanka Menteri Pelajar, Inovasyen enggauPemansangPenauDato Sri Roland Sagah Wee Inn.
Chairman Tetap Komiti
Gawai renggat nengeri ti mega Sapit Premier Sarawak, Datuk Amar Douglas Uggah Embas bisi baum ke pasal pengawa nyendiaka pengerami nya, kemari.
“Taun tu gintir komuniti Bidayuh nyadi pengatur. Legit pengerami iya nya serumpu makai lemai Gawai kena 22 Jun, sereta BCCK dipilih alai ngatur pengerami tu.
“Baka sebedau tu, kitai deka nganggauka Tuai Pemegai Menua Tun Pehin Sri Wan Junaidi Tuanku Jaafar enggau bini iya, Toh Puan Fauziah Mohd Sanusi nyadi pengabang pemadu dipebasa.
“Nambah nya kitai mega bisi nganggauka Menteri Besai Datuk Seri Anwar Ibrahim enggau Premier Sarawak Datuk Patinggi Tan Sri Abang Johari Tun Openg sereta enggau bini seduai iya,” ku iya nengah sebengkah penerang berita, ditu, kemari.
Taun nyin kemari komuniti Iban nyadi pengatur, sereta Uggah muji komiti laban ti mujur ngatur pengerami nya.
“Pengawa bejalai bebala mayuh tauka Niti Daun ti dipasuk raban enggau organisasyen ti ngarika semua raban Dayak ambika banding, chukup ngasuh temegah.
“Aku ngarapka pekara ti sama ulih diatur taun tu,” ku iya.
Berebak enggau tu, Sagah madahka, kelimpah ari pengawa serumpu makai lemai enggau Niti Daun, pengerami bukai ti diatur taun tu baka Bazar Gawai enggau Karnival Gawai.
“Ari timbal ke diterima kami, sida ke ngerami Gawai deka ke bazar nya diatur ba bulan Mei tu. Tu ngambika
sida ulih ngena enda ngira bagi aksesori, ngepan asal, kraf jari enggau produk bukai ke dibeli
dikena maya Gawai.
“Komiti kereja besai kami deka baum enda lama agi
kena mutuska alai enggau hari bulan dua bengkah program tu,” ku iya.