Uggah ngarapka jalai tebing tasik baru penyambung KuchingSamarahan jampat tembu
Jalai sepemanjai tujuh kilometer nya ari baruh Jalan Utama Kedua Kuching-Samarahan dikategori nyadi projek sakit sebedau tu
KUCHING: Sapit Premier Sarawak Datuk Amar Douglas Uggah Embas ngarapka pengawa ngaga jalai tebing tasik baru ti nyambungka Kuching enggau Bagi Menua Samarahan ulih ditembuka tumu ari timpuh ti ditetapka.
Nitihka Uggah, projek ngaga jalai sepemanjai tujuh kilometer nya mega sebagi ari langgur ari baruh Jalan Utama Kedua Kuching-Samarahan dikategori nyadi projek sakit sebedau tu.
“Diatu kitai nyirika baru kontraktor Avinn Engineering Services Sdn Bhd enggau timpuh tembu baru ditetapka kena 7 Februari 2026 sereta kos RM106,968,880.
“Naka kediatu digaga enggau manah tauka lanchar nitihka timpuh taja pan ujan sereta aku ngarapka pemansang tu ulih terus meruan,” ku iya.
Iya madahka pekara nya maya ti ngabas pemansang
Diatu kitai nyirika baru kontraktor Avinn Engineering Services Sdn Bhd enggau timpuh tembu baru ditetapka kena 7 Februari 2026 sereta kos RM106,968,880.
projek di Kota Samarahan ditu, kemari.
Uggah ti mega Menteri Infrastruktur enggau Pemansang Penyangkai Kapal bejaku baru madahka, nadai kebuah projek nya agi dikategori nyadi projek sakit laban kereja ke dipejalaika nya mudah.
Nambah nya iya madahka, kereja ngaga jalai baru nya
enda betapi enggau mayuh isu ke ulih ngeruga atur pengawa ngaga.
Ku iya, fenomena El Nino dipelabaka berengkah bulah Mac tu iya nya manah maya kontraktor ngereja pengawa serindik ari penyampau ujan ti kurang.
“Nya alai kontraktor patut ngambi awak ba gaya hari tu
(panas),” ku iya.
Uggah mega ngarapka kontraktor ulih nembuka projek nya tumu agi ari timpuh ditetapka iya nya bulan November 2025.
Dulu ari nya, udah diberi penerang bekaul enggau pemansang projek nya ari Sapit Direktor JKR Cassidy Moris.