Perintah Sarawak deka ngaga begunan opis kaunsil di Gedong
Ungkup Opis Kaunsil Pelilih Menua Gedong ngambika bisi palan kediri empu ngelangkar pemansang ungkup peranak ditu
KUCHING: Perintah Sarawak ngelangkar deka nirika begunana Opis Kaunsil Pelilih Menua Gedong dalam pengawa merika servis ti optimum ngagai rayat Gedong.
Premier Sarawak Datuk Patinggi Tan Sri Abang Johari Tun Openg madaha perambu dalam ngaga begunana tu agi dalam proses berandau enggau Sekretari Perintah Nengeri Datuk Amar Mohd Abu Bakar Marzuki.
Berindik ari opis kaunsil pelilih menua tu iya nya sebagi ari pampang ti berat ungkup perintah, ku iya, endang patut ngagai sida nyendiaka enggau bajet sereta perengkaguna pemun kediri empu.
“Berindik ari tu, lebuh ti udah bisi begunan ila, kaban opis kaunsil di Gedong enggau komiti mit nya deka ngembuan opis enggau palan kediri dikena berandauka bekaul infrastruktur enggau pengawa administrasyen pelilih menua tu.
“Reti nya, pelilih menua tu deka bejalaika pemansang ti dikinginka enggau lengkas ungkup pemaik rayat di kandang menua tu (Gedong),” ku iya.
Iya madah munyi tu lebuh bejaku ba Pengerami Besumpah Kaban Opis Kaunsil ungkup Opis Kaunsil Pelilih Menua Gedong di
Hikmah Exchange ditu, kilah ensana.
Beserimbai enggau tu, Abang Johari madah, dikena ngemansangka sebuah pelilih menua, tu patut dikemansangka nitih chara jeman baru.
“Reti nya, kitai patut nguna teknologi baru nyengkaum teknologi pemadah (IT) ungkup ngemansangka sebuah pelilih menua nyadi pelilih menua pintar.
“Baka reti nya ungkup kaban opis kaunsil seharitu
(ensana), sida ulih nguna aplikasyen dikena berand
au enggau sama diri dalam berandau enggau mutarka
sebarang penanggul ti nyadi di genturung pendiau tauka pelilih menua.
“Nengah chara tu, kitai deka ulih mutarka penanggul rayat enggau jampat agi. Tu mih ke disebut kitai bekunsi pintar,” ku iya.
Abang Johari mega minta kaban opis kaunsil ungkup opis kaunsil pelilih menua di selampur Sarawak ngambika mekuh ngagai pemansang ti mungkur semua kandang menua lalu ngerapitka kaul entara sida enggau rayat.
Bekaul enggau pengerami besumpah tu, iya meri besai pengaga ati ngagai 31 iku kaban opis kaunsil ungkup Opis Kaunsil Pelilih Menua Gedong.
“Meri besai pengaga ati laban udah dichiri nyadi kaban opis kaunsil lalu selamat bejalaika tanggungpengawa ari baruh pegai Chairman Opis Kaunsil Pelilih Menua Gedong Tamida Da’adi,” ku iya.
Reti nya, pelilih menua tu deka bejalaika pemansang ti dikinginka enggau lengkas ungkup pemaik rayat di kandang menua tu (Gedong).
Datuk Patinggi Tan Sri Abang Johari Tun Openg