Sarawak bekuasa penuh ba pengawa ngintu rampa menua
Baka ti dituku dalam MA63, kelai sebagi ari pemujur dalam berunding bekaul hak dalam sempekat enggau perintah besai
BINTULU: Sarawak deka ngembuan kuasa panuh ngagai pengawa ngintu enggau ngatur rampa menua lalu tu nyadi sebagi ari pemujur dalam pengawa berunding bekaul Sempekat Malaysia 1963 (MA63) enggau perintah besai, ku Premier Sarawak Datuk Patinggi Tan Sri Abang Johari Tun Openg.
Nitih ku iya, perintah besai deka meri kuasa autonomi pengawa ngatur enggau ngintu rampa menua ngagai Sarawak lalu mega nentuka nengeri tu ngatur kediri rampa menua ditu ti nadai sekali dikaul ari perintah besai baka
Premier Sarawak
sebedau tu.
“Nyadika simpul nya, Sarawak deka ngintu kediri empu rampa menua sereta biodiversiti dalam tu laban kuasa ungkup ngatur tu udah dipulaika ngagai kitai,” ku iya.
Iya madah munyi tu lebuh ti bejaku maya bejadi Pengerami Nukar Dokumen Sempekat Pemereti Ati (MoU) entara Malaysia LNG Sdn Bhd (MLNG), Opis Pengeraja Asal enggau Rampa Menua (NREB)
Sarawak enggau Autoriti Pemansang Bintulu (BDA) ti diatur ba Hotel Magherita Plaza ditu kilah ensana.
Dalam pekara ti sama, Tan Sri Abang Johari meri penerang iya nya sekeda undang-undang udah diubah ti enggau tuju dalam nyaga rampa menua nyengkaum undang-undang bekaul pengawa ngurangka gis, dagang karbon enggau pengawa ngintu pengeraja asal nengeri tu.
Iya mega ngarapka inisiatif ke dipejalaika perintah Sarawak tu ulih mantu ngurangka ubah gaya mua hari ke suah nyadi di nengeri tu.
Ku iya, Sarawak udah ngena chara ti proaktif enggau ngiga jalai mutarka pemar ke ditapi berindik ari ubah gaya mua hari.
“Juluk Sarawak diatu iya nya mantu dalam nyemelaka pemansang enggau pengawa nyaga rampa menua dalam nentuka tu sama begulai lalu meri pemaik ngagai semua raban,” ku iya nerang.
Beserimbai enggau tu, ku iya, ari baru Strategi Pemansang Pengudah COVID-19 (PCDS), perintah udah ngemansutka sekeda strategi ti manah dalam pengawa ngemansangka
Sarawak enggau ngemeratka ekosistem di nengeri tu ngambika terus bisi pemanah entara guna ngagai pemansang enggau pemeruan rampa menua.
Abang Johari mega udah madahka bekaul enggau aum iya enggau Autoriti Pemansang Bintulu (BDA) ti bisi mega berandauka bekaul enggau pengawa ngatur uras ti ditukar ngagai energi.
Ku iya nerang, mayuh ti madahka iya nya palan endur muai uras tu nyadi pengawa mutar ti pemadu manah, tang iya enda pechaya enggau chara ti baka tu ulih dikena selama nya laban enda ditemu pemisi teda kimi ke ulih meri empas ngagai pemisi tanah dalam timpuh panjai.
“Nyema kitai nguna loji insinerator, tu nyangka begunaka mayuh puku ke alai nyema digagaka banding, aku ngerundingka teknologi ke manah agi dalam pengawa ngintu teda naka ke diatu,” ku iya.
Abang Johari mega madahka teknologi ti pemadu baru patut dikena dalam ngintu teda tauka uras domestik enggau industri ke manahka rampa menua lalu empas ti mimit (minimum) ngagai rampa menua.
Nyadika simpul nya, Sarawak deka ngintu kediri empu rampa menua sereta biodiversiti dalam tu laban kuasa ungku p ngatur tu udah dipulaika ngagai kitai.
Datuk Patinggi Tan Sri Abang Johari Tun Openg