Sarawak ngeletakka juluk ngasilka energi 10 GW ba taun 2030
Semua energi ti diasilka nya datai ari pun energi ulih dikena baru ti diserungkai ba Sarawak diatu
LAWAS: Sarawak nagit ngasilka energi 10 Gigawatt (GW) ba taun 2030.
Meda timbal ari Ketuai Pemesai Eksekutif Kumpulan SEB, Datuk Sharbini Suhaili iya andal tang mesti ingat ukai semina hidro, ditambah solar, turbin gas sereta aku arap bendar biomas lebuh manggai taun 2030 kami nyadika nya siti perambu ungkup biomas, entara satu ngagai 1.5 Gigawatt.
Premier Sarawak, Datuk Patinggi Tan Sri Abang Johari Tun Openg madahka, semua energi ti diasilka nya datai ari pun energi ulih dikena baru ti diserungkai ba Sarawak diatu.
“Aku udah minta Sarawak Energy Berhad (SEB) ngasilka 10 Gigawatt lebuh manggai 2030.
“Meda timbal ari Ketuai Pemesai Eksekutif Kumpulan SEB, Datuk Sharbini Suhaili iya andal tang mesti ingat ukai semina hidro, ditambah solar, turbin gas sereta aku arap bendar biomas lebuh manggai taun 2030 kami nyadika nya siti perambu ungkup biomas, entara satu ngagai 1.5 Gigawatt,” ku iya maya baum pengarang berita pengudah nemuai bejalaika pengawa ngagai Kota 2, Mini Hidro di Lawas Hari Khamis.
Sama bisi datai Sapit Premier Sarawak Datuk Amar Awang Tengah Ali Hasan , Menteri Utiliti enggau Telekomunikasyen,
Datuk Patinggi Tan Sri Abang Johari Tun Openg
Datuk Seri Julaihi Narawi; Sekretari Perintah Sarawak, Datuk Amar Mohamad Abu Bakar Marzuki; Sapit Menteri Pengangkut, Datuk Hasbi Habibollah; Sapit Menteri Industri Pemakai, Komoditi, enggau Pemansang Wilayah Datuk Dr Abdul Rahman Ismail, Sapit Menteri Utiliti enggau Telekomunikasyen Datuk Dr Abdul Rahman Junaidi enggau bala pemesai bukai.
Nitih ku iya, bisi menua nyukung pemansang teknologi gadung enggau pengawa nyerungkai puncha/ pun(sumber) energi, enggau tu meri peluang meranakka puku di Sarawak.
“Aku bisi 17 Duta Eropah sereta sida deka numbuhka Bank Pelaburan Eropah ti melanja energi ulih dikena baru enggau gadung,” ku iya.