Lebih 10 rumah panjai di Sekuau putus jalai penyambung laban ampuh bah
SELANGAU: Peranak ari lebih 10 buah rumah panjai di Sekuau, ditu udah putus jalai penyambung ;ebuh jalai besai ti ditengah sida, Jalai SK Pakoh udah ampuh laban bah berindik ari ujan berapa hari ke udah.
Penusah ngenyit tu udah ngujungka sida enda ulih bejalaika aktiviti ninting hari sida.
Penghulu Bansa Kunchau lebuh ti ditanya madahka tikas peninggi ampuh bah tu urung lima kaki, ti ngujungka peranak di kandang menua nya enda ulih pansut ari rumah.
Ku iya, pengawa dalam ngulihka bantu ari Raban Penyaga Pengelikun Periman Malaysia (APM) mega enda mujur, berindik ari penanggul ti enda ulih diseliahka.
“Jalai tu mudah deka ampuh, lalu kami minta sukung bantu ti lengkas, kelebih agi dalam nyendiaka perengkaguna perau ungkup maya bisi penusah ke enda disadang nyadi,” ku iya kemari.
Bansa mega meri buah penemu ngambika perau ungkup penusah ngenyit tu ulih diengkah ba Rumah (Rh) Rama, nyadika chara ti proaktif dalam betapi enggau penusah ampuh bah ke suah nyadi di kandang menua nya.
Iya mega nyemetak madahka pemerat pemisi perengkaguna tu, kelebih agi maya bisi penusah ngenyit nyadi, ambika chunto deka berubat ba sepital.
Sama mega ngena jalai ti sama iya nya bala nembiak
enggau raban pengereja pengawa Sekula Primari (SK) Sungai Pakoh.
Berindik ari tu, iya ngarapka komuniti di kandang menua tu ulih begulai dalam mutarka pemar ke ditapi tu, seraya mega bantu benung digaga ngagai sida ti betapi
enggau penusah putus jalai penyambung tu.
Ku iya, penusah amouh bah tu mega begunaka kerejasama semua raban dalam nentuka pengelikun enggau pengelantang peranak ti kena empas penusah tu ngambika ulih diputar enggau lengkas.