Peratus orang indu ti nyadi ketuai, ngaga pemutus agi baruh di Sarawak
Peratus orang indu ti nyadi ketuai lalu ba penuduk ti ulih ngaga pemutus di Sarawak tu agi baruh.
Menteri Pemansang Orang Indu, Nembiak Mit enggau Pengelantang Komuniti Dato Sri Fatimah Abdullah madah dalam nyadi ketuai politik, nyentuk taun 2020 semina bisi tujuh ari 82 kerusi Kunsil Nengeri (DUN) , Sarawak tu dipenggi orang indu lalu ba renggat Parlimen Malaysia, semina lima ari 31 kerusi ungkup Sarawak dipegai orang indu.
Taja pia iya madahka tu bisi penambah penyampau orang indu dalam nyadi ketuai komuniti iya nya ba taun 2020, pemayuh orang indu nyadi ketuai bansa enggau ketuai genturung pendiau tauka tuai rumah nambah ngagai 423 iku dibandingka enggau dalam taun 2018.
“Berindik ari tu ari baruh program ketuai kitai (Kaunsil Orang Indu enggau Ruang Bilik Sarawak) deka belajarka tu ari Vietnam dalam pengawa ngenegapka orang indu nengah pengawa nyadi ketuai lalu pia mega ngenyakahka program nyadi ketuai kitai.
“Kitai deka ngatur program ngelawa Vietnam lalu meda kediri empu bakani menua tu ulih nambah penyampau orang indu ba renggat ulih ngaga pemutus... Kabinet nengeri udah ngemendarka program ngelawa kitai tu, hari bulan bedau ditentuka agi,” ku iya.
Iya madah munyi tu maya aum media pengudah nyadi chairman Aum Orang Indu enggau Ruang Bilik Sarawak di Wisma Wanita ditu, bedau lama ti udah.
Fatimah ti mega Kaban
Kunsil Nengeri (ADUN) Dalat madah lebih 25 peratus orang indu di Sarawak ngembuan pelajar degree enggau master kelimpah ari majoriti nya penatai pemisi RM1,000 nyentuk RM5,000 sebulan lalu gawa dalam mayuh macham sektor sereta semina 20 peratus ti gawa diau ngintu rumah.
Statistik tu iya nya bepelasarka Pansik Penyereta Orang Indu Dalam Nyadi Ketuai Gerempung Ukai Dikuasa Perintah (NGO) ba Renggat Baruh Sarawak ti digaga Kaunsil Pemansang Rama Sarawak (MPS) enggau seraban pemansik ari Universiti Kebangsaan Malaysia (UKM) Pakarunding 2021 ti betuaika Dr Madeline Berma.
Bejaku silik bekaul enggau Vietnam ti dipilih MWKS, Fatimah madahka pengawa nyadi ketuai di menua tu entara menua ti ngangkatka orang indu dalam politik.
“Nitih ku iya ripot tikas penyapai Vietnam dalam
pengawa nyemelaka penempa kena taun 2022, lebuh Gempuru Dewan Negara, penuduk tinggi Vietnam udah dijapai ari pukul rata orang indu ti dichiri. Urung 30 peratus Sapit Dewan Negara ke-15 Vietnam iya nya orang indu, nambah ngagai 3.5 mata dibandingka enggau penggal sebedau nya.
“Peratus penyereta orang indu dalam Majlis Rakyat di renggat Wilayah enggau pelilih menua udah nyapai 29 peratus,” ku iya nerang.
Fatimah mega nambah, Vietnam ngembuan tiga iku menteri orang indu, 12 sapit menteri orang indu enggau siku ketuai orang indu di ejensi renggat perintah sereta urung 60 peratus ketuai besai di ejensi renggat perintah iya nya orang indu.
Dalam bidang orang dagang, iya madahka tikas penyereta orang indu Vietnam dalam sektor tu tinggi enggau pemansang ti disukung ari Strategi Nasional Vietnam bekaul enggau
‘Kesaksamaan Gender bagi 2021-2030 ‘Vietnam National Strategy on Gender Equality for 2021-2030)’.
“Vietnam iya nya menua di rantau Asia ti tikas pemansang kelas tengah ke chakah laban ti ari raban nembiak ke ngembuan pelajar tinggi sereta mega nemu pekara digital.
“Berindik ari tu, kitai deka belajar ari Vietnam lalu mega ngenyakahka program ngenegapka orang indu nyadi ketuai,” ku iya.
Fatimah pengudah aum media tu lalu nyuaka bantu pengasih ngagai tiga buah ruang bilik iya nya ruang bilik Nor Aliff Syukri, (ruang bilik) Tan Mei Ching enggau (ruang bilik) Elisha.
Sama bisi datai iya nya Sekretari Mendam Opis Menteri Pemansang Orang Indu, Nembiak Mit enggau Pengelantang Komuniti Noriah Ahmad enggau Direktor Opis Pemansang Komuniti Nengeri Sarawak Adana Jed.