JKNS chakah ngemansang kereban pengintu pengerai ngeli Sarawak
Opis Pengerai Nengeri Sarawak (JKNS) benung chakah ngemansangka kereban pengintu pengerai ngeli di klinik di nengeri tu, ku Premier Sarawak Datuk Patinggi Tan Sri Abang Johari Tun Openg.
Iya madahka, nya pengawa dipejalaika opis nya kena ngangkatka kualiti pengidup rayat Sarawak nengah ngemanahka agi servis nyaga pengerai mulut, seraya pemansang bukai dalam pengawa nyaga pengerai.
“Opis benung neruska pemansang lima agi kereban nyaga pengerai ngeli di klinik pengerai iya nya Klinik Pergigian Siburan, Serian,
Tabuan Jaya enggau Lawas, sereta projek ti benung dipejalaika iya nya di Sepital Petra Jaya deka nyendiaka pengawa nyaga pengerai ngeli.
“Kena 2 Januari 2024, Klinik Pergigian Bandaraya Miri ke baru udah beoperasyen enggau rasmi. Tu pemujur ti luar jangka,mayuhagikerebanngeli diatu disediaka di serata nengeri dalam nyendiaka pengawa ngintu ngeli am enggau pakar ngagai mensia mayuh,” ku iya.
Iya madahka pekara nya maya bejadi ‘Kongres Pergigian Borneo Ke-12 dan Pameran Perdagangan’ ditu kemari dalam teks jaku iya ti dibacha Sapit Premier Sarawak, Datuk Amar Dr Sim Kui Hian, ti mega Menteri Pengerai Mensia Mayuh, Pengawa Berumah enggau Perintah Lokal.
Nambah nya Abang Johari madahka,nyentukngagai2022, bisi 49 klinik ngeli perintah di Sarawak , sereta ari penyampau nya bisi 39 klinik gigi nyendiaka servis ngintu pengerai primer ngagai mensia mayuh.
Kelimpah ari nya ku iya, lima klinik ngeli di UTC (Pusat Transformasi Bandar) enggau RTC (Pusat Transformasi Luar Bandar) begulai enggau lima sepital nyendiaka orang ti landik enggau pandai ngintu ngeli nyengkaum muntas mulut, pediatrik ngeli, patologi mulut, nyaga ngeli khas enggau ngeli forensik.
Kuiya,dalamtimpuhtisama, sembilanklinikngeliprimernyendiaka orang ti landik enggau pandai ba pengawa ngintu ngeli ukai bepelasarka sepital, iya nya ortodontik, ngeli restoratif, periodontik enggau pengerai ngeli mensia mayuh.
“Kelimpah ari nyendiaka servis ngintu pengerai ngeli ungkup mensia mayuh, ngintu pengerai ngeli nembiak sekula di Sarawak mega sama dikemerat.
“Bisi 151 klinik ngeli di sekula ti nyendiaka servis ngintu ngeli tambah tiap taun ungkup nembiak sekula primari enggau sekondari.
“Kelimpah ari nya, servis ngintu ngeli di sekula dikerembaika ngagai bala pengajar enggau staf sekula di 27 sekula ke dipilih di Sarawak nengah insiatif baru iya nya ‘Program Pemasyarakatan Klinik Pergigian Sekolah’,” ku iya.
Abang Johari madahka, ke rikot, bisi 129 klinik ngeli swasta ba taun 2022 ti mungkur 205 pengemeran klinik ngeli swasta.
Ku iya, penyampau nya ngunjungka nisbah peranak enggau lutur ngeli di Sarawak ba taun 2022 iya nya 1:3,829.
Sama bisi datai ba pengerami nya Presiden Persatuan Doktor Pergigian Malaysia (MDA) Profesor Madya Dr Mas Suryalis Ahmad enggau chairman pengatur Dr Mary Chieng.