Perintah Sarawak setuju deka ngemansangka 1,500 hektar tanah ke pengawa bumai padi
Ngena teknologi baru dikena nangkup peminta berau di menua tu sereta meransangk raban ti bumai nguna chara ti sama ba tanah sida empu
KUCHING: Perintah Sarawak udah setuju deka ngemansangka kandang endur tanah enggau pemesa 1,500 hektar ti bisi di nengeri tu ungkup bejalaika projek nanam padi enggau nguna teknologi baru.
Premier Sarawak Datuk Patinggi Tan Sri Abang Johari Tun Openg madah, inisiatif baka tu deka meri peransang ngagai raban ti bumai di menua tu ngena chara ke sama ba tanah dipenggi sida empu.
Enggau chara tu, iya pechaya deka ulih mantu perintah dalam ngangkatka pemansut berau di kandang menua tu.
“Pia mega diatu, kitai (Malaysia) bisi import berau ari menua India, Vietnam enggau Thailand. Berindik ari mata duit ringgit kitai tu
Nya alai Malaysia mesti besedia tumu agi enggau chara ke aku kena di Sarawak iya nya berindik ari kitai bisi tanah ke ulih kitai kena enggau teknologi baru ungkup kitai meri sukung ngagai pemisi berau di selampur menua.
Datuk Patinggi Tan Sri Abang Johari Tun Openg baruh nya mih ngujungka rega import tinggi.
“Lebuh rega import tinggi, enggai pan kitai mindahka ungkus tu ngagai penguna... Laban tu mih rega berau kitai tu nurun niki, ke mayuh nyadi penanggul.
“Nya alai Malaysia mesti besedia tumu agi enggau chara ke aku kena di Sarawak iya nya berindik ari kitai bisi tanah ke ulih kitai kena enggau teknologi baru ungkup kitai meri sukung ngagai pemisi berau di selampur menua,” ku iya.
Iya madah munyi tu lebuh aum media pengudah program iya ngelawa Taba Umai enggau Palan Proses sereta Ngemansutka Benih Padi Stumbin di Sri Aman kemari.
Beserimbai enggau tu, Abang Johari madahka, perintah Sarawak deka nyendika agih belanja ti besai ungkup tuju tu kelebih agi ari sukut entali ai enggau parit.
“Taja pan kitai masa agih belanja RM173 juta ke diberi perintah besai, tang tu enda chukup ungkup kitai ngemansangka projek nanam padi di nengeri tu.
“Enggai pan perintah
Sarawak deka meri agih belanja ke bukai enggau ngarapka pengeransing tu deka merika penatai pemisi ke lebih ngagai Sarawak,” ku iya nerang.
Diatu, ku iya, pengawa ngemansutka berau menua tu di Sarawak semina nangkup 36 peratus peminta berau di nengeri tu.
“Nya alai, kitai deka nambahka tu (pemansut berau) nyentuk 100 peratus. Tu reti nya kitai patut meri agih belanja ke besai dalam pengaga bumai padi,” ku iya.
Iya mega pechaya enggau ngena chara tu, Sarawak dipelabaka ulih ngemansutka berau ke dikedeka datai ba taun 2030.