Komuniti rumah panjai dilalau ngenegapka penyerakup
Sereta bebasaka sama diri laban tu beguna dalam nentuka pengelantang enggau pemansang di rumah panjai
SARIKEI: Penyanding Penemu Opis Premier Sarawak (Industri Pemakai, Komoditi enggau Pemansang Wilayah) Tan Sri William Mawan Ikom ngelalau komuniti rumah panjai ngenegapka tikas penyerakup sereta bebasaka enggau sama diri.
Ku iya, pekara tu iya nya elemen ti pemadu beguna dalam nyaga pengelantang enggau pengeransing beserakup dalam komuniti rumah panjai.
“Kitai deka meda komuniti rumah panjai beserakup laban tu endang beguna dalam nyaga enggau ngemuntangka pengawa ketuai komuniti enggau ketuai bansa (KMKK) ngatur komuniti ari baruh pegai sida.
“Nyema kitai seruran beserakup lalu begulai dalam semua pekara kelebih agi ti mekuh ngagai pemansang sebuah rumah panjai, kitai pechaya pemansang mega deka diberi lalu pengawa ti bekaul mega deka dipejalaika enggau manah.
“Penyarut tauka sebarang penekul ti nyadi patut diputarka
Kitai deka meda komuniti rumah panjai beserakup laban tu endang beguna dalam nyaga enggau ngemuntangka pengawa ketuai komuniti enggau ketuai bansa (KMKK) ngatur komuniti ari baruh pegai sida.
Tan Sri William Mawan Ikom Penyanding Penemu Opis Premier Sarawak (Industri Pemakai, Komoditi enggau Pemansang Wilayah)
enggau manah ungkup pemaik begulai jemah ila,” ku iya ba Pengerami Bejadi Pengawa Ngentak Tiang Rumah Sujang di Sungai Setubu, Pakan ditu, kemari.
Kaban Kunsil Nengeri (ADUN) Pakan tu mega nambah, pekara tauka isu ke ulih mai ngagai pemambar raban bansa di rumah panjai patut diseliahka.
“Anang mudah tepejuh runding enggau isu ti ulih mai ngagai pemambar lalu nyema bisi penanggul ulih dikerandau enggau manah.
“Komuniti patut ingat enggau penyerakup sereta runding segulai semua perambu pemansang ulih dipejalaika enggau manah lalu semua ulih bulih pemaik.
“Ungkup KMKK, seruran mereti enggau ibuhka komuniti ari baruh pegai sida sereta nentuka guna sida diatur enggau pemadu manah,” ku iya nerang.
Ba pengerami ti sama, Mawan mega udah nyuaka geran MRP sepenyampau RM15,000 ngagai Komiti Pemansang enggau Pengelikun Genturung Pendiau (JKKK) Rumah Sujang.