Sarawak terus deka ngaul kerejasama enggau Kalimantan
Nengeri tu udah mayuh kaul enggau Indonesia nyengkaum dalam eksport enggau import barang sereta pemansang hidro
KUCHING: Sarawak terus ngaul kerejasama enggau Kalimantan, Indonesia nyengkaum bidang eksport enggau import barang.
Premier Sarawak Datuk Patinggi Tan Sri Abang Johari Tun Openg madahka, Sarawak naka diatu udah mayuh bisi kerejsama enggau menua ti berimbai tu sekalika di Kalimantan Barat, Kalimantan Timur nyengkaum pemansang hidro tauka tekad ai.
“Kelimpah ari energi, kitai mega dipadahka KADIN (Dewan Perdagangan dan Perindustrian Indonesia) di Kalimanatan udah ngatur aum enggau Sarawak nengah DUBS (Dewan Usahawan Bumiputera Sarawak) sereta Dewan Perdagangan dan Perindustrian Sarawak dalam neresa bidang bukai.
“Tu iya nya nyengkaum pengawa eksport barang kitai enggau import barang ari Kalimantan sereta kerejasama tu udah bisi.
“Kebendar nya kitai udah bisi kaul kerejasama entara Indonesia, pia mega mayuh kompeni kitai di Sarawak udah bejalaika dagang di Kalimantan,” ku iya.
Iya madah munyi tu lebuh
Kebendar nya kitai udah bisi kaul kerejasama entara Indonesia, pia mega mayuh kompeni kitai di Sarawak udah bejalaika dagang di Kalimantan.
ti ditemu pengarang berita pengudah bejadi Pengerami Simbolik Nyuaka Sumbangsih Raya 2024 ke sama mega udah digulu bini iya Puan Sri Datuk Amar Juma’ani Tuanku Bujang enggau Menteri Pemansang Orang Indu ,
Nembiak Mit enggau Pengelantang Komuniti, Dato Sri Fatimah Abdullah di Wisma Bapa Malaysia ditu, kemari.
Ku Abang Johari nambah, sebedau tu mayuh kerejsama entara Sarawak enggau Indonesia iya nya mekuh ba
Kalimantan Barat berindik ari tu dampih enggau nengeri tu.
Pia mega, ku iya, lebuh garis entara menua Indonesia dibuka lalu bisi penerebai bilun terus Kuching-Pontianak sereta Pontianak-Kuching
udah dikemendar tu deka muka mayuh agi peluang kerejasama entara kededua, Sarawak enggau Indonesia.
“Bekaul enggau Nusantara (indu menua baru Indonesia) di Kalimantan Timur, endang udah bisi kerejasama ari sukut bantu dalam ngemansangka Nusantara, kelebih agi Kalimantan Selatan enggau Timur.
“Nya alai, SEB (Sarawak Energy Berhad) udah beranakka puku pun pemisi energi Malinau di Kalimantan ke alai kitai ngembuan puku 25 peratus ba pemansang hidro.
“Tu deka nyungkak energi ngagai Kalimantan lalu bisi mega perambu ari Indonesia deka ngerembaika agi pemansang hidro tu,” ku iya.
Abang Johari madah, Sarawak komited deka terus bejalaika pemansang di Nusantara taja pan udah ngembuan puku 25 peratus dalam pemansang hidro dia.
Iya madah munyi tu lebuh ti ditanya bekaul enggau penerang Duta Besai Malaysia ke Indonesia Datuk Syed Md Hasrin Tengku Hussin ti meransang kompeni di Malaysia ngambi peluang ari prospek beranakka puku di wilayah Kalimantan Timur, kelebih agi di Samarinda enggau Balikpapan ti enda jauh enggau indu menua baru Nusantara (IKN) ke deka datai.
“Bisi mayuh peluang ngagai kompeni Malaysia meri sukung ngagai pemansang IKN, baka enggau nyendiaka barang ungkup pengawa berumah,” ku iya madah ngagai Bernama lebuh ti nyadi ketuai deligit ari raban duta di Jakarta enggau konsulat di Pontianak, ditu.
Duta tu udah di Pontianak dalam program ngelawa pengelama tiga hari lalu iya ngembuan runding deka neresa peluang lalu ngenegapka agi kerejasama ekonomi sereta kaul bebakih entara Malaysia enggau Indonesia senentang langkar bejalaika pengawa ASEAN.