Darul Hana fasa kedua dipelabaka tembu dalam taun 2026
Fasa kedua tu nyendiaka palan pengentap pendiau ungkup 200 buah ruang bilik ari Kpg Panglima Seman Ulu, Kpg Pulo Hilir
KUCHING: Projek Darul Hana fasa kedua ke benung dalam proses bejalaika pengawa dipelabaka tembu ba taun 2026.
Premier Sarawak Datuk Patinggi Tan Sri Abang Johari Tun Openg madah, fasa kedua tu deka nyendiaka palan pengentap pendiau ungkup 200 buah ruang bilik ari dua buah genturung pendiau iya nya Kampung Panglima Seman Ulu enggau Kampung Pulo Hilir.
“Diatu kitai benung ngemansangka fasa kedua (Darul Hana) di Sungai Bedaun ti benung digaga.
“Tu iya nya ungkup ruang bilik tambah fasa kedua Darul Hana ti nyendiaka palan pengentap pendiau ungkup 200 buah ruang bilik lalu dipelabaka tembu dalam taun 2026,” ku iya.
Iya madah munyi tu lebuh ti ditemu pengarang berita pengudah Pengerami Iftar Darul Hana 2024 ditu, malam kilah ensana.
Abang Johari madahka perintah mega deka meda sebuah agi kandang endur ungkup genrutung pendiau baru ungkup pemansang projek Darul Hana enda jauh ari genturung pendiau ke endang
“
udah bisi.
“Kitai deka nentuka sebuah agi kandang endur ungkup ngemansangka projek ba genturung pendiau ti besemak,” ku iya.
Dulu aru ti, iya udah nyuaka pemeri ari Autoriti Pemansang enggau Ngintu Tanah (LCDA) ungkup 13 buah genturung pendiau ba kandang endur projek Darul Hana.
Sida bela nerima RM150 enggau penyampau semua nya bisi RM19,500.
Tu dikena mantu sida lebuh ti deka ngintu pengerami hari besai Hari Raya Aidilfitri.
Beserimbai engggau tu, Pemangku Meijer Besai LCDA Kusyairi Bostani udah nyuaka Zakat Dagang ungkup taun 2023 sepenyampau RM1,910,187.26 ngagai
Tabung Baitulmal Sarawak (TBS)ke diarika Sapit Menijer Besai TBS Bolhassan Iskandar Taibi.
Bisi urung 500 iku temuai, nyengkaum pengereja pengawa LCDA, ketuai komuniti Kampung Seberang Hilir, ketuai ejensi enggau opis perintah, media enggau raban ti bekaul enggau Projek Pemansang Darul Hana tu udah datai ngagai Pengerami Iftar Darul Hana 2024 tu.
Program tu mega iya nya sebagi ari Tanggungpengawa Rama Korporat (CSR) ninting taun LCDA ti meri pemeri ngagai komuniti lalu ngarapka ulih ngelempungka tating belanja sida ti kurang manah nasit maya bulan Ramadan tu lalu nyikap diri ngintu pengerami Hari Raya Aidilfitri.
Tu iya nya ungkup ruang bilik tambah fasa kedua Darul Hana ti nyendiaka palan pengentap pendiau ungkup 200 buah ruang bilik lalu dipelabaka tembu dalam ” taun 2026.