Patut bisi inisiatif dikena ngangkatka runding Malaysia Madani

Laban penyerakup pupu raban bansa majak repuk ti ulih ngeruga pengelantang menua tu, ku Fadillah

KUCHING: Patut bisi inisiatif diambi dikena ngenyakahka agi runding Makaysia Madani dalam rayat pupu raban bansa enggau jalai pengarap di menua tu.

Sapit Menteri Besai Dato Sri Fadillah Yusof madahka pengeransing penyerakup dalam rayat di menua tu dipeda majak repuk.

Nyema penyerakup tu majak lemi, ku iya, tu nyangka ulih ngujungka konflik entara raban bansa lalu ulih ngeruga pengelantang enggau pemaik menua.

“Nya alai konsep Malaysia Madani tu dibantaika ungkup semua rayat ngambika kitai ulih ngangkatka baru pengeransing beserakup, sama bebasaka pangan diri kelimpah nentuka pemeruan rampa menua, ekonomi enggau rama.

“Laban diatu penyerakup majak lemi ketegal ti kurang bebasaka pangan diri ke alai tu enda manah ngagai menua,” ku iya.

Iya madah munyi tu lebuh ti bejaku maya Program Jiwa Madani Jalinan Kasih Ramadan di Surau Darul

Naim ba Kampung Gita Lama ditu kemari.

Program tu iya nya diatur Opis Pemadah Malaysia Sarawak enggau kerejasama Gerempung Pengintu Pengelantang Pendiau Mahabbah Kuching.

Bejaku bekaul enggau program tu, Fadillah ti mega Kaban Parlimen

agi konsep Madani dalam komuniti.

Maya pengerami tu, Fadillah ti mega Menteri Peralihan Tenaga dan Transformasi Air mega udah nyuaka pemeri ngagai 30 iku orang seranta beserimbai enggau Ramadan.

Sapit Ketuai Direktor Opis Pemadah Malaysia Suwadi Guliling mega bisi madah program tu iya nya program strategik opis enggau raban gerempung.

Iya mega beterima kasih ngagai Fadillah sereta Kaban Kunsil Nengeri (ADUN) Tupong, Fazzrudin Abdul Rahman ba kerejasama ti meruan enggau opis tu.

Sama bisi datai Direktor Opis Pemadah Malaysia Sarawak Helmy Hamid sereta Sapit Chairman Gerempung Pengintu Pengelantang Pendiau Mahabbah Kuching Abang Affi Affendy.

Nya alai konsep Malaysia Madani tu dibantaika ungkup semua rayat ngambika kitai ulih ngangkatka baru pengeransing beserakup, sama bebasaka pangan diri kelimpah nentuka pemeruan rampa menua, ekonomi enggau rama.

Dato Sri Fadillah Yusof

— Gambar PENERANGAN Petra Jaya madahka tu besai reti dalam ngerichahka TERIMA MIH: Fadillah nyuaka pemeri ngagai raban orang seranta di Surau Darul Naim, Kampung Gita Lama.