Sarawak nganti pemutus perintah besai bekaul mai pulai nembiak Yayasan Sarawak ari Timur Tengah
Sarawak agi nganti sanding penemu ari perintah besai bekaul enggau mai pulai kelebih agi nembiak Yayasan Sarawak ari menua Timur Tengah, berindik ari konflik tauka laya ti benung nyadi diatu di menua nya.
Premier Sarawak, Datuk Patinggi Tan Sri Abang Johari Tun Openg madahka, kediatu Sarawak seruran betanya tauka ngulihka penerang pemadu baru pasal pekara nya nengah Direktor Opis Menteri Luar Nengeri Wilayah Sarawak, Fenny Nuli.
Nitihku iya, tebal agi nembiak ari nengeri tu di Jordan enggau di Mesir, sereta nadai nampung pelajar di menua Syria.
“Kitai agi nganti sanding penemu ari Opis Menteri Luar sekalika gaya din kelalu balat ngeruga pengelikun tauka enda, enggau nyema Opis Menteri Luar begulai enggau Opis Menteri Pelajar Tinggi bepenemu nembiak kitai di Timur Tengah patut dibai pulai ari menua nya, kitai deka nitihka atur nya.
“(Nembiak ari menua kitai) Tebal agi di Jordan kelimpah ari di Mesir. Di Mesir mayuh nembiak kitai ti ngambi pelajar ba bidang perubat tang di Alexandria, kelimpah ari di Azhar ti ngambi kus Jalai Pengarap, enggau mega di Jordan, mayuh.
“Naka kediatu nadai udah nerima penerang agi Opis Menteri Luar, kitai nganti aja
nama sanding penemu agi opis menteri nya. Kitai benung betanya pekara tu, kitai bisi OpisMenteriLuariyanyaPuan Fenny, kitai endang seruran betanya pemansang pemadu baru pekara tu,” ku iya lebuh dirandau raban pengarang berita nyerumba iya ngabang Hari Raya Aidilfitri ngagai rumah Penyanding Penemu Opis Menteri Dagang Antarabansa, Industri enggau Meranakka Puku, Dato Sri Mohd Naroden Majais ditu, kemari.
Abang Johari ditanya sekalika perintah nengeri tu deka mai pulai nembiak Yayasan Sarawak ari menua Timur Tengah berindik ari konflik ke benung nyadi di menua nya.
Bekaul pekara ti sama, bepelasarka ripot Bernama, Opis Menteri Pelajar Tinggi (KPT)
ba sebengkah penerang kemari madahka sida deka berandau enggau opis ti bekaul pasal nama atur ke patut dipejalai berindik ari konflik di Timur Tengah diatu, nyengkaum nyema bisi pematut mai pulai nembiak Malaysia ari menua tekeruga.
KPT dalam penerang ensanus madah bepelasarka rikot kediatu, nembiak Malaysia ti berejista bisi 1,872 iku bisi di Jordan, 37 iku di Syria, lapan di Iran, sereta nadai nembiak menua tu diripoka di Lubnan enggau Iraq.
“Opis menteri bulih penerang pemadu baru diatu di Timur Tengah ti bekaul enggau Iran enggau Israel sereta sechara enda lansung meri empas ngagai menua ke ngelinggi baka Jordan, Syria,
Lubnan enggau Iraq.
“KPT matau nengah opis Education Malaysia di Jordan enggau Dubai sereta seruran betanya ngagai Kedutaan Besar Malaysia di Amman, Jordan kenanentukapengelikunenggau pengelantang pendiau nembiak dijaga,” ku penerang nya.
Nembiak enggau apai indai ti bisi sebanarang tanya tau betanya terus ngagai Kedutaan Besar Malaysia di Tehran, Iran nengah lumur (+9821) 88072444 (+9821) 88079606 tauka e-mel mwtehran@kln. gov.my enggau mwconsular. teh@gmail.com.
Lalu Kedutaan Besar Malaysia di Amman, Jordan iya nya ba lumur (+962) 6590 2400 (+962) 78590 2400 tauka e-mel mwamman@kln.gov.my enggau amm.uhep@gmail.com.