Ou Pouant Elisabet
De à a coustrucian da proumenada da riba de marina despù ra carriera Panaït Istrati fint’a frountiera Cabé-Rocabruna va coumpì-se au ver dou Gouarbe. Apress pèr passà soubre e countinuà ou caminament s’a coumuna rocabrunesca, ra vila de Mentan a pagà un pouant dam’ou sindicatou du oustelìe mentounasque. Aquelou pouant era sensa noume fint’en coura Elisabet de Wittelsbach, pu counoushùa dou sen pichan-noum Sissi, ese stacha shashinàia. Gustave Amarante diretoù dou Journal de Menton proupousa de sounà-rou Pouant Elisabet, en remembrança du se soujorne d’envern au Cab Marten douna stasìa e de soue proumenade que fasìa à Mentan. En tant da merìa d’Emile Biovès, Amarante cerca de sòu pèr levà un mounument dam’una piaca de marmou. R’arquitetou Glena fa ou proujet en scrivent quarque paraule da pouetessa Henry Gréville. Stou pouant ese stach inaugurà dame pran de faste ou dou mese d’abrì de r’ann . Mà ent’a nuech dou au dou mese de San Jouan de r’ann , r’armada francesa a fach sautà aquelou pouant pèr empedì u talià de passà. A cashù asperà pran de temp apress r’armistici dou dou mese de jougn pèr refà-rou. A proumenada deventa taliana e tamben carrouge borni perqué noun se pourìa passà ra frountiera nova tra « Mentone d’Itàlia » e Rocabruna sempre francesa. Ou dou mese de setembre de r’ann , a devisian blindàia arriba pèr rempiaçà u sourdati talià embatostà. En ra Wehrmacht a fourtificà ra coustiera de marina : fi-ferre pougnente, cavalete de frisa, bloque de batum, mine, mitralhuse, fouarte. A proumenada-nouaisha ese stacha desfeguràia dame tout acò. Ent’e annàie - Mentan se recoustrushe e rou pouant ese refach dame de belle peire. Coura en rou valan dou Gouarbe a despareishù sout’ou camen tra ou pouant de r’Unian e ou pouant Elisabet, aquelou darrìe n’a pu augù ou sen rolou. Se pouhe encara vé rou sen muralhet coustà de marina dam’una piaca nova coumemourativa dedicàia à Sissi.