Ou jueg de vitou
Vou dirai que ço que me manca ancuhi es ou temp despareishù, de mandourìe en fioù, puhi de cerieijhìe que fasìan pèr primavera, una grana courouna bianca à r’entorn dou vilage de Goarbe, despù ou courtì de Natalin da Roca, ou Faishin, a Giàndola e au soutran, ou Paran e a Pualha. Ço que me manca, san tout u vielhe que san partì, qu’eran de ban counselh… Serìan enrabià de vé ço que se passa ancuhi, elu que se parlavan drech ent’u uelhe, ou verbe aut, en grana degnità e que spartìan u létigue a bote e sensa testemoni ent’ou cantan dou camen… i gagnavan de respet « t’en avise ! ». Tout u vielhe me mancan, e mancan ent’ou païs-noastre : Titin, Paul Blanc, Medelo, Tre Sòu, Gustou de Truchi e Gustou de barbacane, u dou Tasin, Gustin, Baloun, Oliva, Etienne, Barbero, ou Lolou, ou Lilou, Dandrin, Gadoun, Pignata, Lou Bec, le Coujou e d’autre… E aquelu dau soutran : Ana, Paul Journaut, u fraire Grisolia « u pourquìe » de que ou cavà s’arrestava davant a buveta da valada ancuhi despareishùa : Da Batì. E puhi, i era Géni, que stasìa carriera Gambetta, à coustà da vouta douna Valetta, ou magnin, fasìa de cassarole pèr tout ou païs. Géni era un campagnolou aunest e travalhous… era ou noastre campian dou vitou ! Ou vitou es un jueg de carte dame quatre jugaire, dou couentra dou, que se juega dame tré carte d’un jueg de belota. Ou , ou , r’asse, san e carte e pu foarte. A coupa es un verou spetàcoulou, parqué car endevinà douna san u … Quoura Géni se devìa de fà a coupa, acò era un verou rituale, fasìa virà ou sen berreten s’a testa, fretava quarque vote ou paquet de carte s’a taura, fint’a mandà un pougn s’ou jueg, ço que vourìa di qu’u eran ben piaçà ! Ou vitou es un jueg de bausìe, douna se fà toute soarte de segne, veru pèr ou sen coumpaire mà de fausse pèr l’autra part. A partìa se juega en douze pounche e u jugaire, fan cada-un de soubr’encante : , , ! E fan tout pèr empaurì r’aversari ! Géni era ou pu foart pèr a manobra, piquent sus’a taura dam’a soua man larga couma una massa, ralhava en lenga dou païs e, de vote, arribava finte que Géni mountava sus’a taura ! Acò es un jueg, r’avé ben capì, que fa boana part pèr u bausìe e paraule fausse… Tout’ u gouvernante de noaishe païs farìan de pran belu jugaire de vitou !