Guillaume Apollinaire e Mùnegu

Nasciüu a Ruma ün , Wilhelm Apollinaris de Kostrowitzky, ditu Guillaume Apollinaire, è u fiyu d’Angelica Kostrowitzka, d’urìgine rüssa. U pàire d’Angelica è mortu ün . Alura, ciü ren retegnëva a Ruma a màire d’u fütüru pueta, abandunà de suvramàn da u so amante. Dunca, à lasciau per sempre l’Itàlia e è arrivà ünt’u Principatu u qatru de marsu d’u  cun i soi dui fiyi, Guillaume e u so picin frai Albert nasciüu ün .

Guillaume à cumençau per andà â scoera, ün nona, a u Culege San Carlu sci’a Roca (ancoei a Meria de Mùnegu) ün utubre d’u . Tüt’u longu d’a so’ scularità, fint’â serratüra d’u culege ün , gh’à avüu prun de premi d’ecelença. À tambèn fau prova d’üna vera pietà e è stau finta segretari generale d’a Cungregaçiùn de l’Imacülata Cunceçiùn d’u culege. Dopu, à cuntinüau i stüdi a u Culege Stanislas a Cannes poei, ün , a u fütüru liçè Massena de Niça per preparà u baccalaureat : à riesciüu l’esame scritu ma à mancau chëlu de l’urale.

Dopu carche segiurnu ün càmera mubilià, a famiya de Kostrowitzky s’è instalà ün  a u segundu ciàn d’a casa Canis, a l’àngulu d’i carrügi Luì Notari e Principessa Antuniëta. Ün sèghitu a fastidi finançiari, tüt’a famiya à lasciau Mùnegu ün  per se stabilì ünt’u qartiè pupülari d’u Carnier, ün achëli tempi sci’a cumüna d’â Türbia (a cumüna de Beausoleil è stà creà sulu ün ). Dürante ë vacançe sculari, Guillaume e so frai Albert sun stai tante vote alugiai da u so amigu James Onimus â vilà « Charles James » a Cavu d’Ayu unde u pàire, u dutù Onimus, gh’avëva ün gran demani. A l’iniçi d’u , a famiya è revegnüa a Mùnegu. So’ màire s’è truvau ün cumpagnu che l’à mai ciü lascià, Jules Weil, ün zuvenotu elegante e che semiyava iesse prun ricu. Se sun instalai ünt’ün apartamëntu de suta d’ u cursu d’i Murìn (ancoei Passage Barriera). Ma, ün zenà d’u , a famiya à lasciau per sempre Mùnegu per Aix-les-Bains, poei Lyon e ünfìn Paris.

Perchè Guillaume, ün alievu briusu fint’ün , à abandunau i stüdi ? Nun se sà… Se pò sulu emëte iputese a prupòsitu d’achësta crisa prufunda. Forsci, à regetau u mundu cunfurmista ünt’u qale àn vusciüu u serrà. Achëstu precürsù d’u sürealismu, n’à ünventau u nume, à lasciau poche traçe d’a so’ perioda munegasca. Pocu fà, Pierre Bergé gran bibliufilu, à permëssu l’édiçiùn d’ün racoeyu unde se mèscciun puemi e disegni inediti d’u zùvenu Guillaume, per a perioda che và d’u  fint’a u .