Rocabruna servàia da pesta
Se vené à Rocabruna un jou d’Aoùst d’aprésse-dirnà noun troveré gaire de gente per u carrouge, ma se vené per ou cinque d’aquer mes ou païs è negre de moundou per ço que aquer joù se fa a pronfessìa da Madona da Neve.
De matin se canta a Messa prima. A Messa grana ou Curatou spiega 'n'a sia prédica, per ço que se fa 'na pronfessìa d'apresse dirnà.
'Na vota, chertu disoun dou 1467, a pesta avìa impoujounà tout' a Riviera, e era arribàia fint à Rocabruna. A gent spaventàia a fach 'na nouvena à Madona e ou cinque d'Aoust, festa da Madona da Neve, de Rouma, ou fragelou s'è-j-arrestà. Per rende gràcia à Marìa Verge, tout ou pòpoulou communou, an jurà d'anà aquer jou, descausse, finte à ra Capela da Pausa, fouara païs, verse Mentoun. Couma 'n' aquer temp se jugavoun u Misteri susa un teatrou, defouara, auriou ben voushù jugà u Misteri doulourouse dou Rousaire, ma foshi, coum'a festa era d'estade e qu'avioun da travalhà en campagna, se soun pensà que en fasent ou geste souret, a pronfessìa restava, couma un teatrou a ra muta.
D'apresse dirnà u-j-ome van a se vestì 'n'a Capela du Bianque o couma se desìa 'na vota, a Capela du Fratelli. Coura un d'aquestu-j-ome moua o deventa trou vielh, soun filh o un da familha, pilha a sia piaça. Coura en Guièja se canta ou « Magnificat » a pronfessìa n'intra da pouarta du Jùdiou que noun se duerbe qu'aquer jou. Cada stacioun s'arresta n'ou mitan da Guièja, per refà ou sen Misteri pu souarte n'ou carroug' e camina per aï carriera e aï piaça : Vende Pesh, a Fouant, ou Piaçaret, en Piaça finte e gardiola qu'è-j-a pouarta de Mentoun. E soubre daï piaça aï stacioun s'arrestoun douna ou moundou s'è-j-amourounà e representoun u Misteri. A pronfessìya fenishe dame a stàtua da Madona, pourtàia da quatre "Fratelli". E 'na vota a gente s'asseguìoun en cantant l’» Ave Maris Stella » susa 'n' ària lagnousa per marcà a tristessa du Misteri Doulourouse.
E ashin se va finte à Pausa. Ailin cada Nouashe Signoù baja a terra 'n'un banquet marcà d'una crouseta. En tante ou Curatou fa 'na prédica. Tornoun n'ou païs fasent sempre aï stacioun. Se n'intra en Guièja da pouarta du Jùdiou, se douna a benedicioun dou Santìssimou. Apress toute van se despulhì 'n'a Capela du Batù e tornoun en casa. De sera couma ent-u-j-autre païs è-j-ou festin : Mùsica, jinjola, aperitif, e « porqueta ». Ashin moushou u Rocabrunasque a sia recounoushença a Maria Verge da Neve, que u-j-a servà da pesta. E ashin faran, tante que u filhe manteneran a proumessa du paire.