Johnny Hallyday à Mentan
Aprèss a guerra, François Ferrié, mera-ajount a fach venì à Mentan d’artiste de renoum couma Yves Montand, Édith Piaf, Sacha Distel, Charles Aznavour o Luis Mariano.
Johnny Hallyday a cantà à Nissa au mes de loulh de 1961. Puhi, ou 2 d’aoust 1961, Johnny cantà pèr a prima vota s’a scena dou teatrou de verdura de Mentan que se tenìa aloura darraire ou Counservatori de Mùsica. De belle cansoù : Pourquoi cet amour, Je cherche une fille, J’suis mordu, Souvenirs, Souvenirs, Salut les copains, Nous, les gars, nous les filles. En 1961, pèr ou 11e « Festival della canzone italianna de Sanremo, una cansan poprock ese primàia : 24000 baci de Adriano Celentano. Johnny en tirerà forshi 24000 baisers, cantàia tamben da Dalida. Pèr ou 25 d’aoust 1967, Johnny ese de retorn davant a jouventura mentounasca dame Jean-Jacques Debout; Johnny reven aquì en 1970 puhi torna en loulh e aoust 1973. Fedele pèr ou pùblicou de Mentan, Johnny canta encara en loulh e aoust 1974. En 1977, Jean-Marie Tomasi, ajount au mera Emmanuel Aubert, carregà de l’animacian, da courtura e dou tourismou alestishe ou proujet d’un autre teatrou de verdura n’ou parc da Madona qu’aculherà Paul Préboist, ou groupe de rock Magma dame Bernard Lavilliers, Robert Charlebois, de groupe dou païs puhi Joe Dassin e Daniel Guichard ; Coluche e Michel Sardou l’ann d’apress.
Au mes d’aoust 1978, Johnny Hallyday canta davant 3000 persoune. Ou cantaoù poarta ou belou coustume bianc d’Elvis Presley ; suivan, ou 11 d’aoust,
Sylvie Vartan, Serge Lama, Patrick Sébastien.
1979, ou teatrou de verdura da Madone rechéu Alain Souchon e Laurent Voulzy, Sylvie Vartan, Michel Sardou, Julien Clerc. Ma ou moument tant asperà es ou 10 d’aoust dame ou retorn triounfale de Johnny. De bilhete san regalà pèr u vesì. A jouventura dou païs s’encagna coura ou cantaire repilha : Noir, c’est noir, Que je t’aime, Quelque chose de Tennessee .... Serge Lama passa ou 13 ; revenrà en 1981. Quarque councerte seran dounache n’ou parc dou Pian dame Gilbert Bécaud en 1979. En 1980, venan aquì Julien Clerc, Claude Nougaro, Michèle Torr, Brazil Tropical, Joan Baez, Virginia Vee...
La vengùa de Eddy Mitchell en 1981 marca a fen da bella época dou teatrou de verdure dou parc da Madona. Una pàgina musicala se gira. Johnny noun revenerà mai pu à Mentan.