Oondjamba tadhi si omaso taga limbilike moBotswana

Oondjamba omathele odha sa omaso taga nlimbilike moOkavango Delta moBotswana, omukuluntu gwoshikondo shiiyamakuti osho a ti ngaaka ohela, ta ti ke wete ya dhipagwa oshoka omayego inaga kuthwa ko. Oshilongoshikashomuumbugantu waAfrica osho shin a oondjamba odhindji muuyuni, taku tengenekwa pomwaalu gu li lwopo 130 000.

“Otwa lopotelwa oondjamba dhi li 365 dha sa muumbangalantu wOkavango Delta notwa koleka dhi li 275 sigo oompaka,” Cyril Taolo, omupeha kuluntu moshikondo shiiyamakuti osho a lombwele oshikundaneki sho-AFP mokatumwalaka okafupi. Okwa ti kutya omaso ngaka natango otaga konaakonwa kutya oga etwa kushike lela.

“Katu wete ya dhipagwa komuntu oshoka omayego oko ga adhika,” ta ti ngaaka.

Omaso ga fa ngaka oga li ga lopotwa tango muMai sho aakwanepangelo ya li ya adha oondjamba 12 meni lyoshiwike shimwe dha sila momikunda mbali dhi li muumbugantuninginino woshilongo. Ehangano lyokwiiyamba hali longo noondjamba lyedhina Elephants without Borders (EWB).

EWB ota tengeneke kutya oondjamba otadhi si moshitopolwa muule woomwedhi ndatu.

Shi ikwatelela kolopota yomasiku 19 Juni, oopelesenda 70 dhoondjamba ndhoka dha sa odhopaife, dha sa ngiika pwa pita omwedhi, omanga oopelesenda 30 tadhi monika dha sa miiwike ya zi ko.

Okwa lopotwa omaso goondjamba odhindji moshitopolwa shOkavango Delta moBotswana