Eefikola 775 da ponokelwa koCovid-19 moSA
Ovalongi 1169, novalongwa 523 ova kwatwa kombuto
EEFIKOLA tadi lishilile po800 moSouth Africa odi li nale moixuna yombuto yoCovid-19 mefimbo ashike loule woshivike eshi eefikola da patuluka.
Oshikondo shehongo osha holola kutya ovahongwa veli 523 novahongi vavo ve dulife po1 000 ova kwatwa koCovid-9. Fiyo opapa ombuto oyo oya twaalela eemwenyo dovahongifikola 11, novanafikola vatatu.
Eshi oshe uya eshi ku na ashike omafiku manini opo ounona vokeengudu dimwe navo va tameke ofikola, ngaashi naanaa sha li sha tengenekwa kepangelo.
Omuvalu wovanhu va kwatwa kombuto meefikola daSouth Africa owa kala noku lopotwa keshe efiku oku dja nghee ofikola ya tameka petameko lomwedi ou. Ounona vomoGrade 7 no12, navo ova tameka ofikola petameko lomwedi ou.
Mokunyamukula omakemo oshikondo shehongo osha ti sho oshi udite kutya fiyo opaife oshi li momushingo muwa ngeengeta tashi ya kombinga yomalandulafano okeefikola. “Oshikondo shehongo lopetameko osheshi pondola oku patulula eefikola monghalo ipe ashike omomudingonoko oo ukulu.
Oshidjuu shili, ashike ngaashi hatu pewa omayele koshikondo shouhaku osho shi na eshivonawa, otu na oku twikila nonghalamwenyo, nonande ope na ombuto.”
Oshikondo tashi ti inashi pumbiwa opo ovanhu va haluke, ovakulunhu fikola nava fye ashike oshisho kutya ovanhu keefikola ove li ufa komalandulafano.
“Otu udite kutya oshinima eshi osha eta ehaluko noumbada mokati koshiwana. Ashike fiyo papa fye onga oshikondo shehongo otu wete kutya onghalo oi li melandulafano, notai ka twikila oku kala melandulafano notwa hala oku kunghilila ovakulunhufikola va fye oshisho kutya omilandu doukoshoki oda tulwa po noku kalekwa po meefikola davo.”
Oshikondo tashi holola yoo koutya meni loivike ashike inini, eefikola 775 oda ponokelwa kombuto oyo. Ovanafikola veli 523 ova kwatwa novanailonga moshikondo shelongo veli 1169, ovo va kwatela mo ovahongi novanailonga vamwe keefikola oko ova ninga oihakanwa yomukifi ou. Eshi ku na natango ovanafikola vamwe tava tameke nena, oku niwe omalipulo ngeenge osha li ngoo mondjila oku patulula eefikola moshilongo. –BBC