Omatala omape taga ka tungwa molukanda lwaHavana
Mayola gwoshilando shaWindhoek(COW) Fransina Kahungu okwa ti kutya eleleloshilando olya uvanekelwa oshimaliwa shoomiliona N$5 okuza koministeli yiipindi neyambulepo lyomangeshefelo omashona yi tunge omatala molukanda lwaHavana. Kahungu ndhika okwa li e dhi popi moonkundathana noNampa oshiwike shika, sha landula sho ominista yomayambulepo goondoolopa niitopolwa yokomikunda Erastus Uutoni a li a ti kutya oshilando osha pumbwa okutunga omatala gokulandithila moHavana. Uutoni okwa ti oya li ya talele po ehala ndyoka oomwedhi dha zi ko n aka li a nyanyukilwa shoka a mono, ta ti ehala olyi na aantu oyendji nayi taya landithile pehala limwe, unene tuu pomatsakaneno goondjila ne poHavana mondjila yaMonte Christo. Okwa li a pula oshilando shi patukunune aantu mbaka noku ya pa ehala ewanawa lyokulandithila. Kahungu ta ti kutya omatala oshitopolwa shondungethaneko ndjoka tayi ka tembudha aantu kolukanda loupe lwedhina Havana Extension 8, ndoka taluk a tungwa kelelo lyoishilando opamwe noOngos Valley Developers.
“Ngashiingeyi elelo lyoshilando olyi li moonkundathana naantu mboka haya landithile pomatsakaneno goondjila poHavana, ashike oshidhigu kashona oshoka open a aantu mboka inaaya hala okutembdudhwa, ashike shika itashi ke tu shololitha,” Kahungu ta ti ngaaka.
Ta gwehda ko kutya omatala otaga ka ninga oonkalamwenyo dhaalandithio oohwepo osho wo oku eta po oompito dhiilonga oshoka open a naamboka taya ka kutwa yoku opaleka osho wo okukeelela omatala ngaka.