Opolisi yaGreece ya fala oontauki kokamba ompe
Opolisi mokantuntu kaGreece kedhina Lesbos otayi tembudha oontawuki omayovi okuza mokamba yedhina Moria ndjoka ya li ya pi po okuya fala keghala epe lyi li popepi naampoka. Aanambelewa aakiintu ye li 70 oya li ye yam o mnodhila opo ya kwatele komeheo etembudho lyaakiintu nyunona okuya kokamba yedhina Kara Tepe. Metitatu, Aafghanistan ye li yane oya li ya patululilwa oshipotha shokutameka omundilo ngoka gwa yangata po Moria oshiwike sha zi ko. Omunambelewa gwepangelo okwa ti kutya aantu 1 800 oya li ya yi moKara Tepe kuyele mEtine.
Ashike oontauki odhindji inadhi hala okuthigala moLesbos, oshoka Moria oya li yu udha sha pitilila nomu na othina. Oya hala okuya komahala galwe moEurope, unene koGermany. Aantu ye vule 12 000 oya li ya yi ontuku omulilo gwomoMoria noya kala nokuhupa nuudhigu okuza mpoka, ye na ompumbwe yiikulya, omeya nolukalwa.
Aanambelewa oya li ya tameke okutembiudha oofamili mEtine oku dhi fala kokamba ompe. Uuvidio wa za mpoka owa ulika aanambelewa aakiintu ya zala iikutu iitokele taya popinoontawuki.Oontaukimotadhi tutsa omukithi gwocoronavirus manga inaadhi ya moKara Tepe. Oshikundaneki shoReuters osha ti kutya sigo oompaka aantu 56 oya monika omukithi nguka, naamboka oya ikalekelwa. Omupopiloiko gwopolisi ta ti kurtya otaya kambadhala okugamena uundjolowele woshigwana.
Omundilo ogwa li gwa tukuka oshiwike sha za ko konima sho aantu 35 ya li ya monika omukithi gwocoronavirus, nayamwwe yomwaamboka oya li ya tindi oku ikalekelwa. Aantu ya za kiilongo yi li 70 oye li mokamba yaMoria, oyendji oya za koAfghanistan.
People from 70 countries had been sheltered at Moria, most from Afghanistan.
Epangelo lyaGerman ngashiingeyi olya itaala okukutha po oontauki 1 553 okuza moMoria.