France a wedela ko ovalumenhu kefudo lokumona ounona
France okwa indjipaleka omafiku haa pewa ovalumenhu ngeenge ovakainhu vavo tava mono ounona. MEtivali Ombelewa yomupresidente Emmanuel Macron oya shivifa kutya paife ovalumenhu paife otava pewa omafiku 28, oku kala mefudo va kalele ovakainhu vavo ngeenge tava pulumuna. Eshi osha eta opo France a kale oshilongo osho hashi yandje efudo efudo lile kovalumenhu moEurope. Omafiku oo a kala po okwali eli 14, a tulwa po okudja mo2002, nokwali natango a tula France komeshoo yoilongo ikwao.
Ashike oilongo imwe oyeke uya po nomafiku mahapu ndele taa pitilile omafiku 14 a France.
“Elundululo eli lipe paife ola tula France pondondo yopombada moilongo oyo ya ya komesho moEurope, e li pamwe noo Spain, Sweden, Norway naPortugal, noku mu kufa mo mongudu yoilongo yopokati,” osho omunambelewa wehangano loElysee a ti.
“Efimbo lokukokola ekwatafano liwa pokati kokaana novadali vako ola fimana neenghono, nomafiku 14 inaa wana,” omunambelewa ta weda po. Omunambelewa ta weda po yoo kutya etokolo olo la etwa po kuMacron ola eta opo omupresidente a hafelwe neenghono koshiwana shaashi eepelesenda 80 oda dimina kutya omafiku 28 oku li mondjila.
Macron okwa li a teelelwa a yandje ouyelele womoule unasha nelunduluko eli shaashi okwali a teelelwa a ka talele po endiki leamano lohanana nai nakoshitukulwa shaLongjumeau, monooli yaParis. Ondohotola yopamadilaadilo Boris Cyrulnik oo e li oshilyo shokakomisi oka totwa po omudo wa dja ko kuMacron kelile po oku tala nokukonaakona omafiku 1,000 otete okaana okwa ti ngeno ngeenge otashi shiva, ovalumenhu ova pumbwa oivike omuwoyi yefudo lokumona ounona.
“Ashike ewedelo olo li li po onghatu nale ya kola ngeenge otashi ya kekulo lokaana, neyambulepo lekwatafano pokati kako naxe,” omunambelewa wa Elysee ta ti.