Egeelo molwa lyuukongo kaagu li paveta nali gwedhwelwe –Irimari

NgoloneyagwoshitopolwashaShanaElia Irimari okwa ti, epangelo olyapumbwa okuya po negeelo lya gwedhwa po una gumwe a adhika niinamwenyo ya gamwenwa nenge a konda oompango dhegameno lyuushitwe, pehala lyoku pewa ofuto oyo ayike.

“Kehengokatataagaulukaoompango dhoka okwa pumbwa egeelo enene opo kaa endulule we epuko, nokugandja oshiholelwa ku yalwe kaaye shi ninge,” Irimari ta ti ngaaka.

Irimari dhoka okwedhi popi sho ali a pewa eyamukulo kaanilonga yuuministeli wOmidhingoloko moshikandjohogololo shUuvudhiya kutya,uunayakwataaantuniinamwenyo ya gwemenwa, ihaya pewa egelo limwe kaalishi lyokufuta.

Oshinima shuukongo oshowo okudhipaga iinamwenyo mbyoka yagamenwa oshaninga shimwe shomomashongo ngoka oshilongo shika sha taalela.

“Aantu oyendji, ngaashingeyi otaya ikuthithile oveta momake yo yene, naashoka osha pumbwa okuhulithwa po, ihe ongele ya pewa egeelo enene, lya gwedhwa po,” Irimari ta ti.

Ngoloneya dhoka okwe dhi popi sho kwali ta hiya oomwene yomikunda, Elenga enene lyUukwambi Herman Iipumbu, Omukwanilwa gwaNdonga Fillemon Shuumbwa Nangolo, ooyene yoohambo oshowo aanafalama ye na taya kongo uulithilo noye na iimuna koshikandjohogololo shUuvudhiya opo ya kale ya thika poombelelwa dhaKansela momasiku 28 gaSeptemba.

“Elalakano lyoshigongi shoka oshinene tashi ka kala ko Omaandaha twa taalela, okukundathana shoka hashi etitha omawupyakadhi, okugamena oshowo okukaleka po uushitwe moshikandjohogololo shoka, konima yalopotelwa omulilo tagu fikepo oomwidhi oshowo iimuna iiwike ya zi ko. Kansela gwoshikandjohogololo shUuuvudhiya Amutenya Ndahafa okwa ti, okwa dhidhilike kutya omulilo ngoka olundji ohagu ziilile kombinga yokOndonga, onkene kehe gumwe okwa tegelelwa a kale a thika opo omawupyakadhi ngaaka geye ga kundathanwe.

“Uuvidhiya oshikandjohololo shi na uuyamba unene moshitopolwa shaShana, onkene oshigwana osha pumbwa okuya po nomilandu nkene shina okukaleka po uushitwe mboka,” Irimari ta ti ngaaka.

Ta ti Uuvudhiya otawu vulu oku eta po oshimaliwa okupitila miimuna, onyama ngele natango omwiidhi ngoka yi na okwiipalutha nago tagu kalekwa po. Ta gwedha po ta ti, oshigongi shoka otashi kagandja oompito kukehe gumwe nuunene aanafalama opo ya gandje uyelele kutya shoka hashi eta omapeya moshikandjohogololo shoka oshike.